რკინიგზის 3.6 მილიონიანი ტენდერი, რომელიც სალიანდაგო ღორღის შესყიდვას ითვალისწინებს შპს ჯორჯიან ბაზალტმა მოიგო.
120 000 მ3 ღორღის მიწოდება უნდა განხორციელდეს ხელშეკრულების გაფორმებიდან 24 კალენდარული თვის განმავლობაში, შემსყიდველის მოთხოვნის შესაბამისად. ამასთანავე, ხელშეკრულების გაფორმებიდან პირველი 12 კალენდარული თვის განმავლობაში მიმწოდებელმა უნდა უზრუნველყოს არაუმეტეს 50 000 მ3 ღორღის მიწოდება, ხოლო დარჩენილი რაოდენობის მიწოდება უნდა განახორციელოს მომდევნო 12 კალენდარული თვის განმავლობაში.
შპს ჯორჯიან ბაზალტის გენერალური დირექტორი ლევან კალმახელიძეა, ფინანსური დირექტორი კი დავით ბეჟაშვილი. 50%-ს შპს გლობალ ტრანსი 50%-ს კი შპს ველაჯიო ფლობს.
თავის მხრივ გლობალ ტრანსის 100%-ს შპს ჩემექსიმ ინტერნეიშენალი ფლობს, რომელიც მარშალის კუნძულებზეა დარეგისტრირებული. დირექტორი კი დავით ბეჟაშვილია.
შპს ველაჯიოს გენერალური დირექტორი მანანა ჯაფარიძეა, 100%-ს კი გლობალ ინვესტორს ლიმიტედი ფლობს, რომელიც მალტაზეა რეგისტრირებული, აღნიშნული კომპანიის ბენეფიციარი მფლობელები სოსო და ლევან ფხაკაძეები არიან. სწორედ ეს კომპანია ფლობს ვენდის და დანკინის 100%-იან წილებს.
კომენტარები