აშშ-ის ცენტრალური სადაზვერვო სააგენტოს [CIA] დირექტორის მოადგილის 21 წლის ვაჟი, მაიკლ გლოსი უკრაინაში დაიღუპა. გავრცელებული ინფორმაციით, ის რუსეთის არმიაში მოხალისედ მსახურობდა, სადაც მოხალისედ ჩაეწერა. გლოსი რუსეთში 2023 წელს ჩავიდა. დედამისი – ჯულიან გლოსი, 2024 წლის თებერვალში ცენტრალური სადაზვერვო სააგენტოს ციფრული ინოვაციების დირექტორის მოადგილედ დაინიშნა.
მედიასაშუალებების ინფორმაციით, გლოსი მხარს უჭერდა პალესტინელებს და დაინტერესებული იყო ისლამით. 2022 წელს მან ამერიკის დროშა დაწვა და ვიდეო სოციალურ ქსელში გამოაქვეყნა.
„თავისი კეთილშობილი გულითა და მეომრული სულით, მაიკლი საკუთარ გზას იკვლევდა, როგორც გმირი, როდესაც ტრაგიკულად გარდაიცვალა აღმოსავლეთ ევროპაში 2024 წლის 4 აპრილს“, – ნათქვამია ნეკროლოგში.
თუმცა, დაკონკრეტებული არაა, დაიღუპა თუ არა ის რუსეთის არმიის შემადგენლობაში.
კომენტარები