მაღაროელებმა ჭორვილაში, ოლიგარქის სახლთან აქცია დააანონსეს

36 დღეა ჭიათურელი მაღაროელები უმუშევრობასა  და უხელფასობას აპროტესტებენ. ორი მაღაროელი პროტესტის ნიშნად უკვე მეორე დღეა შიმშილობს.

მაღაროელები კომპანიის მიერ 3 620 თანამშრომლის უკანონოდ გათავისუფლებას აპროტესტებენ და ითხოვენ, რომ სახელმწიფომ გააუქმოს “ჯორჯიან მანგანეზის” ხელშეკრულება და სხვა კომპანიით ჩაანაცვლოს.

როგორც დღეს გახდა ცნობილი, კვირას, 6 აპრილს, მაღაროელები  ჭორვილაში, ივანიშვილის სახლთან აქციას გამართავენ.

მაღაროელები ასევე ითხოვენ შეხვედრას “ოცნების” მთავრობასთან; ინვესტორის წასვლასა და სამუშაოებზე პასუხისმგებლობის სახელმწიფოს მიერ აღებას; მარგანეცის გატანიდან მიღებული შემოსავლის ნაწილით ფონდის შექმნას ჭიათურის მომავალი თაობის განვითარებისათვის; ქალაქსა და მის მიმდებარე სოფლებში უფასო შიდა მუნიციპალური ტრანსპორტის დანიშვნას, რომელიც მოსახლეობას მოემსახურება; ქალაქის ეკოლოგიური პრობლემების გადასაჭრელად ღია კარიერული წესით მოპოვების გაკონტროლებას.

[ფოტო: ინფო იმერეთი]