სამოქალაქო აქტივისტი, გიორგი მუხიგულაშვილი:
დააკვირდით, ამერიკას რა დრო დასჭირდა მეგობარი აქტის დამტკიცებას? როგორ ბოლომდე სცადეს ყველა გზა? ხომ მიხვდით, რომ არ იყო შემთხვევით, აშშ–ის ელჩის შეხვედრა ბოჭორიშვილთან და არც ელჩის სახე, მიმიკა და სხეულის ენა იყო კონტექსტიდან ამოვარდნილი. აწი დაიწყება ნელ–ნელა რეალური იზოლაცია და ნეტარ არიან, ქოცები, თუ სჯერათ, რომ მათივე მომხრეები არ შეჭამენ.
ხოდა, ივანიშვილი, ცხადია, ადრე თუ გვიან, დაიწყებს საკუთარ უსაფრთხოებაზე მოლაპარაკებებს, თუ უკვე დაწყებული არ აქვს.ივანიშვილს დღეს აქვს სამი სახის ფული, ერთი, რაც აქამდე იშოვა და დააგროვა, მეორე, რომელსაც დღეს შოულობს, – ამწამს, როცა ამას ვწერ შოულობს, და გადახედეთ მის კრიპტოვალუტის დავებს და არამხოლოდ და მიხვდებით, რაზე ვსაუბრობ და მესამეა ფული, რომლის შოვნაც ხვალ უნდა – სახდეპის ანგარიშების მიხედვით, ახალი ნარკოგზები გაიჭრა საქართველოში, შემოდის და გადის ნარკოტიკი, ასევე, სხვადასხვა ქვეყნების მედიების მიხედვით, რუსეთს მიეწოდება სანქცირებული საქონელი, ჰყვავის ქვეყანაში, სუსის გვერდითაც კი, ე.წ. ქოლცენტრები, აქეთ კრიპტობიზნესი ჰყვავის… ხოდა, რაც მეტ ქაოსში იქნება ქვეყანა, რაც მეტი გაჭირვებული იქნება, რაც მეტი იქნება მიბმული მხოლოდ კუჭზე, მით მეტს იშოვის ხვალ.
მაგრამ უცხოური დაფინანსების გარეშე, როცა ბიუჯეტს მისი ვირთხები ხრავენ, ის დაინახავს, რომ ქვეყნის ნაწილის დაფინანსებასაც კი ვერ შეძლებს, იმ საყოველთაო დაზღვევის ბლეფიც რეალურად გამოჩნდება, მოკლედ, მეფე გაშიშვლდება და მოითხოვს გარანტიებს.
მან, ვინც მედიატორი იქნება უცხოეთიდან, უნდა იცოდეს, რომელი ფულის დაკარგვის ეშინია ივანიშვილს ყველაზე მეტად, ძველის, აწმყოს, თუ მომავლის. სწორედ ამ აწმყოს და მომავლის ფულის გამო წირავს ქვეყანას, მაგრამ არ გაწირავს საკუთარ კეთილდღეობას.
არა, რუსეთში მას ამდენის უფლებას არ მისცემენ, მით უფრო ჩაფლავებულს, და არც მის შვილებს უნდათ რუსეთში ცხოვრება. რუსეთში რომ არ უნდა, აქ რომ უნდა დაბანაკება, ამის მაგალითია ისიც, რომ ოქროს და ძვირადღირებულ ნახატებს საქართველოში ინახავს და არა სხვაგან.
ამიტომ, ან ყველაფერი ძალიან გამწვავდება და მხოლოდ შემდეგ, განწირული დასთანხმდება უსისხლოდ წასვლას და აწმყოს და მომავლის ფულზე კი არა, ნეტა, წარსულის ფულზე არ მოუწევდეს უარის თქმა, ან უნდა გადააბან რომელიმე ქვეყანაში, თავის კრიპტოქარხნებით და ბიზნესზე შეღავათებს უნდა დაპირდნენ, რაც საეჭვოა.მას ეყო მოხერხება ეშოვა ფული ადამიანების გაჭირვებაზე, ვნახოთ, ეყოფა თუ არა მოხერხება, შეინარჩუნოს, ამ სამი ფულიდან ერთი მაინც.
