“ცხინვალი არ დაგვიბომბავს”; “შემთხვევითაც არ დაგიბომბავთ?” – როგორ ცდილობს წულუკიანი ქართულ ჯარს ცხინვალის დაბომბვა დაუმტკიცოს

გენერალ მამუკა ყურაშვილის განცხადებით, კადრებში სავარაუდოდ ლაპარაკია კუსირეთი-კვერნეთის მიმართულებაზე მიტანილ იერიშზე, სადაც მოსახლეობა არ იყო. კუსირეთი და კვერნეთი არის სოფლები ცხინვალიდან 2-3 კილომეტრის მოშორებით, ზღვის დონიდან დაახლოებით 1000 მეტრის სიმაღლზე, სადაც ყურაშვილის თანახმად, მოწინააღმდეგ მხარეს დომინირებული სიმაღლეები ჰქონდა მოწყობილი და იქიდან ქართულ სოფელ თამარაშენს ბომბავდა.

–ეს არის გარეუბანი ცხინვალის?

–აი, კუს ტბაზე რომ იყოს საუბარი [თბილისის შემთხვევაში]”

–კუს ტბა… ანუ ცხინვალის ერთ-ერთი რაიონი… კუს ტბა თბილისის ერთ-ერთი რაიონია… ცხინვალის გარეუბანი… ნუ ცხინვალია, კუს ტბა – თბილისია…

–გმირთა მოედნიდან თუ უყურებ, გგონია, რომ ვაკე იბომბება, ამ დროს კუს ტბის მისადგომებთანაა სროლა.

–იქ მოსახლეობა იყო?

–არა.. მაქედან ძირითადად თამარაშენს უტყამდნენ. თამარაშენის სკოლის დაცხრილვა ძირითადად მანდედან ხდებოდა.

–მაშინ ასეთი კითხვა მიჩნდება, როდესაც თქვენ კუსირეთს და კვერნეთს უმიზნებთ ეს ხომ არ არის ის შემთხვევა, როცა პროფესიონალმა სამიზნე ვერ განსაზღვროს და სხვაგან დაარტყას, შეიძლება ეს მოხდეს… თუ ეს არ ხდება.

–შეიძლება ყველაფერი მოხდეს, მაგრამ როგორც ასეთი, ცხინვალში დაბომბვა არ ყოფილა. [რომ ყოფილიყო] მაგას დაგვიდებდნენ [სასამართლო დავებში].