“ერთი წუთით წარმოვიდგინოთ კოშმარი, რომ პუტინმა საქართველოში რუსული მთავრობა დასვა, რას იზამდა პუტინის მეფისნაცვალი აქ?” – ნინო ლომჯარია

ერთი წუთით წარმოვიდგინოთ კოშმარი, რომ პუტინმა საქართველოში რუსული მთავრობა დასვა, რას იზამდა პუტინის მეფისნაცვალი აქ? ჩემი აზრით:

– საქართველოს ევრო-ატლანტიკურ ინტეგრაციას ოფიციალურად შეაჩერებდა;

– გაწყვეტდა ამერიკასთან და ევროპასთან სტრატეგიულ პარტნიორობას, სამხედრო წვრთნებს და დახმარებას;

– 2008 წლის ომზე დაიწყებდა გამოძიებას საქართველოს ბრალის გამოკვეთის მიზნით;

– საქართველოს პარლამენტის შენობაში საჯაროდ წაიკითხავდა მედვედევის წერილს, როგორც სანდო მტკიცებულებას, რომ ომი ქართულმა მხარემ დაიწყო და რუსეთს ომის დაწყება არ უნდოდა;

– ყველა დამოუკიდებელ მედიას და უფლებადაცვით არასამთავრობო ორგანიზაციას გამოაცხადებდა დასავლეთის აგენტებად, სისხლის სამართლებრივ დევნას დაიწყებდა მათ წინააღმდეგ, დაიჭერდა ან ქვეყნიდან გააქცევდა მათ;

– საწინააღმდეგო აზრის მქონე საჯარო მოხელეებისგან გაწმენდდა საჯარო სექტორს;

– მაღალ თანამდებობებზე გაუნათლებელი და უინტელექტო, მედროვე ადამიანების დანიშვნა სახელმწიფო პოლიტიკის ნაწილი გახდებოდა;

– ქვეყნის შიგნით გააყალბებდა ყველა არჩევნებს, ხოლო დიასპორას არ მისცემდა არჩევნებში მონაწილეობის შესაძლებლობას;

– სისასტიკით და წამების თანხლებით დაარბევდა მასობრივ საპროტესტო გამოსვლებს;

– ახალგაზრდებს სპეციალურად დაუსახიჩებდნენ სახის ძვლებს, რომ ყველას ენახა და შეშინებოდათ;

– აქციაზე დგომისთვის ისეთ ფინანსურ სანქციებს დააწესებდა, რომ ადამიანები სიღატაკისთვის იქნებოდნენ განწირულები;

– ვისაც პოლიცია ვერ სცემდა, მას ნიღბიან კრიმინალებს აცემინებდნენ. ამისთვის არავინ დაისჯებოდა;

– დააყადაღებდა ყველა ფონდს, რომელიც რეპრესირებულ მოქალაქეებს ეხმარება;

– იმეგობრებდა და პარტნიორობას დაამყარებდა ყველა ავტორიტარულ და დიქტატორულ ქვეყანასთან;

– სახელმწიფო პროპაგანდა მუდმივად გააშუქებდა როგორი გარყვნილია დასავლეთი;

– ეყოლებოდა პოლიტიკური პატიმრები;

– საქართველო დატოვებდა ევროსაბჭოს;

– კომსტიტიციიდან ამოიღებდა 78-ე მუხლს;

– შექმნიდა ორ სოციალურ ფენას: კორიფციულ ელიტას და უკიდურესად გაღატაკებულ ფენას. ორივეს მის სამსახურში ჩააყენებდა;

– სახელმწიფო ტელევიზიაში განსხვავებული აზრის მქონე ჟურნალისტის საქმეს პროკურატურას გადასცემდნენ გამოსაძიებლად;

– საქართველოს ეყოლებოდა დასავლეთიდან დასანქცირებული სამართალდამცავები, პოლიტიკოსები მოსამართლეები.