“სცადეთ ლიეტუვაში შემოსვლა და დაინახავთ, ნიშნავს თუ არა ეს სანქციები არაფერს” – ლანდსბერგისი “ოცნებას”

ლიეტუვის ყოფილი საგარეო საქმეთა მინისტრი, გაბრიელიუს ლანდსბერგისი, “ნეტგაზეთთან” ამბობს:

„მე ვთავაზობ მათ სცადონ ლიეტუვაში შესვლა. ისინი დაინახავენ, ნიშნავს თუ არა ეს [სანქციები] არაფერს. პოლიტიკური კუთხით მასში არის პოლიტიკური სიმბოლიზმი. ჩვენ ვიყავით პირველი ქვეყანა, რომელმაც შევთავაზეთ სანქციები, ესტონეთთან და ლატვიასთან ერთად. მე მაშინვე განვაცხადე, რომ არსებობს პოლიტიკური სიმბოლიზმი, რომელიც აჩვენებს, რომ ეს შესაძლებელია.

თუ ჩვენ ვერ შევთანხმდებით 27 ქვეყანას შორის, მაშინ ჩემს ყველაზე პატარა ქვეყანას შეუძლია იმაზე მეტი გააკეთოს, ვიდრე ქვეყანას, სადაც მოსახლეობა, არ ვიცი, 60 მილიონი, 40 მილიონია… ასე რომ, თუ ჩვენ ამას შევძლებთ, იქნებ მათ ჰქონდეთ საკმარისი არგუმენტები, რომ მოგვბაძონ. და ეს მოხდა. ფაქტობრივად, შემდეგ, მოგვიანებით გერმანიაც კი შეუერთდა განსხვავებული ზომით. ეს ნიშნავს, რომ სიმბოლიზმი მუშაობს.

ჩვენ ვართ რუსთაველის მომიტინგეები ევროპაში. ჩვენ შეიძლება ვერაფერი შევცვალოთ, მაგრამ ვიღებთ დროშას და მხოლოდ ქუჩაში გავდივართ და ვითხოვთ სამართლიანობას. და ჩვენ ამას ვაკეთებთ. ზოგიერთ შემთხვევაში, ჩვენ ვიღებთ გარკვეულ სამართლიანობას. შეიძლება არა ყველა შემთხვევაში, მაგრამ ზოგიერთში. თუ ამას არ გავაკეთებთ, მაშინ არაფერი მოხდება.

[„ქართული ოცნების“ წარმომადგენლების] რეაქციით ნამდვილად მოხიბლული ვარ. ეს ადასტურებს ერთ ფაქტს, რომ დიქტატორებს მყიფე ეგო აქვთ შუშის სახლებშიც კი, რადგან ისინი რეაგირებენ. თუ არ გადარდებთ [სანქციები], რატომ ლაპარაკობთ ამაზე? რატომ შემოდიხართ ჩემს ტვიტერზე და ამბობთ, არ მაინტერესებს? თუ არ გადარდებთ, არ გადარდებთ. თუ მოდიხართ, თუ კომენტარს აკეთებთ, თუ რამეს ამბობთ პატარა ლიეტუვაზე, გაინტერესებთ. ეს ნიშნავს, რომ თქვენ მყიფე ხართ თქვენს სამყაროში. ეს ნიშნავს, რომ მე უნდა გავაგრძელო ჩემი საქმე“