სინდისის პატიმრის, თორნიკე გოშაძის დედა ამბობს, რომ საზოგადოებრივი მაუწყებელი რეჟიმის ტყვეების მშობლებისთვის დახურულია – მარიზი კობახიძე კონკრეტულ ფაქტზე საუბრობს და აცხადებს, რომ მან პირველი არხის ჟურნალისტს და წამყვანს თამთა სანიკიძეს პირადად მიმართა და ეთერის დათმობა სთხოვა, თუმცა უშედეგოდ.
სინდისის პატიმრის დედას ასევე აქვს ახლობლური კავშირი შმაგი კობახიძესთან, რომელსაც ყველა ივანიშვილს დისშვილად იცნობს და როგორც ვრცელდებოდა ხოლმე ინფორმაციები, არაერთი საქმის “დამლაგებელია”.
“ბიძინა ივანიშვილის დის მულიშვილია შმაგი კობახიძე. არ არის მისი დისშვილი. ყველამ იცის, რომ ბიძინას დისშვილია, მაგრამ არა. ის არის ბიძინა ივანიშვილის დის მულისშვილი. შმაგი კობახიძე ჩემს ხელში გაზრდილია. რაც ბავშვი დაიჭირეს, კონტაქტი არ მქონია. რომ ვიცოდე, რომ დახმარება შეუძლია, მაინც არასოდეს მივმართავ, არ არსებობს. ჩემი შვილი არის უდანაშაულო და მე არავის არ ვთხოვ, რომ დამეხმაროს და ის ციხიდან გამოვიდეს…”, – ამბობს მარიზი კობახიძე.
კომენტარები