აქტივისტების პოლიტიკური დევნა გრძელდება. „ალიასთვის“ ცნობილი გახდა, რომ თვითგამოცხადებული ხელისუფლების წარმომადგენლები თავს კიდევ ერთ აქტივისტს, გიორგი ჯუკაშვილს რამდენიმე დღის წინ დაესხნენ.
საზოგადოებას ახსოვს, რომ ჯუკაშვილი ხშირადაა ხელისუფლების მხრიდან პოლიტიკური დევნის სამიზნე, რადგან ის აქტიურადაა ჩართული ანტირუსულ მოძრაობებში და მხარს პუტინის პირად პატიმარს, საქართველოს მეხუთე პრეზიდენტს მიხეილ სააკაშვილს უჭერს. იგი არის ერთიანი ნაციონალური მოძრაობის წევრი.
ასეე, სასტიკად ნაცემი იყო 2021 წლის საპროტესტო აქციებზე, როცა სააკაშვილი რუსთავში, ციხეში იყო. მაშინაც ისპეც დანიშნულების რაზმმა ის სასტიკად სცემა.
განმეორებით ჯუკაშვილს რუსული კანონის მიღებისას განსაკუთრებული სისასტიკით დაუპირისპირდნენ, რადგან ის ერთ-ერთი პირველი იყო, ვინც პარლამენტის ხმაურიანი სხდომის პარალელურად ქუჩაში მეგობრებთან ერთად გამოვიდა.
ხელისუფლების სამიზნე ის გასული საპარლამენტო არჩვენების შემდეგ გახდა, როცა ასობით ათას მომიტინგესთან ერთად ჯუკაშვილი გაყალბებულ საარჩევნო შედეგებს აპროტესტებდა.
2023 წლის მარტის თვეში, რუსული კანონის განმეორებით მიღების შემდეგ, თავისუფლებისთვის მებრძოლმა მომიტინგეებმა კვლავ ქუჩის პროტესტი განაახლეს. სპეც დანიშნულების რაზმმა აქტივისტებზე იერიში მიიტანეს და ჯეკაშვილი სასტიკი ცემის შემდეგ 9 მარტს უკანონოდ დააკავეს. სასამართლომ კი ფულადი ჯარიმა დააკისრა.
მის დევნას და მძიმე ყოფას სამსახურიდან გამოშვებაც მოყვა. ამის მიზეზი კი პოლიტიკური მოტივი იყო. ფაქტობრივად, ორი მცირეწლოვანი შვილი და მეუღლე მძიმე მატერიალური პირობების ქვეშ აღმოჩნდნენ.
გასულ წელს, გიორგი ჯუკაშვილი მეხანძრე-მაშველის პოზიციაზეც უნდა დასაქმებულიყო, თუმცა მეორე ტურიდან ისევ პოლიტიკური მოტივის გამო შეურაცხყოფისა და დამცირების გზით გამოაგდეს. ადგილი ჰქონდა მუქარასაც, როგორც “ალიას’ უყვება, მას ე.წ. ხელისუფლებასთან დაახლოებულმა პირებმა უთხრეს, რომ აიძულებდნენ დაჩოქილს პატიება ეთხოვა მათთვის, წინააღმდეგ შემთხვევაში კი, ოჯახს გაუნადგურებდნენ. დაშინებამ, სტრესმა, მუდმივნა დევნამ, შეურაცხყოფამ, ოჯახის მატერიალური მდგომარეობის ხელოვნურად დამძიმებამ, ჯუკაშვილზე „იმუშავა“ – ამბობს, რომ მან თავისსავე თავისგან ოჯახის დაცვა თვითმკვლელობის მცდელობით „სცადა“.
ამ გაუგონარ სისასტიკეს რამდენიმე თვის წინ ჯუკაშვილის კუთვნილი მანქანის დამტვრევაც მოჰყვა, რაც კიდევ ერთი გაფრთხილება იყო ხელისუფლების მხრიდან – სამოქალაქო სექტორიდან პროდასავლური ღირებულებების, თავისუფლებისა და დემოკრატიული პროცესების გაღრმავებისთვის ბრძოლა შეეწყვიტა.
მიუხედავად ყველაფრისა, გასულ თვეში რუსული რეჟიმისთვის დამახასიათებელი სისასტიკეც კი ყოველგვარ საზღვრებს გასცდა და ჯუკაშვილს თავს მისი ოჯახის – მეუღლისა და პატარა ბავშვების თანდასწრებით თავს დაესხნენ და ფიზიკურად დაუპირისპირდნენ, ჰყვება, რომ ესეც რა თქმა უნდა, ხელისუფლების დაკვეთით მოხდა. პოლიციამ კი მომხდარზე ტრადიციისამებრ საქმე არ აღძრა, რადგან აქტივისტებზე თავდასხმის გამოძიება ოლიგარქიული მმართველობისთვის მნიშვნელოვანი არ არის, რადგან საკუთარ თავს თავდამსხმელი პოლიციელები არ დაიჭერენ…
ჯუკაშვილს ბოლო ინციდენტზე „ალია“ ესაუბრა.
„ჩემი შვილების დაბადების დღეს, საცხოვრებელი სახლის ეზოში თავს დამესხნენ. საბედნიეროდ, მეუღლემ მოასწრო და ბავშვები სადარბაზოს შეაფარა. დაუნდობლად მირტყამდნენ და ყელში მიჭერდნენ, უნდა დაგახრჩოთ და მერე ვნახავთ ცხედარი რას გააპროტესტებო, ყვიროდნენ. ჩემს მეუღლეს ძალიან შეეშინდა და დახმარებას მეზობლებს სთხოვდა, კიოდა. ხმაურზე ხალხი გამოვიდა, თავდამსხმელები მანქანაში ჩასხდნენ და გაცვივდნენ. პოლიციამ რა თქმა უნდა, კლინიკაში ექიმების მიმართვის შემდეგ მომაკითხა და გამოძიებაზე უარი თქვეს, როგორც სხვა აქტივისტებზე თავდასხმის შემდეგ ხდება ხოლმე.
ჩემი მომავალი გაურკვეველია და თუ რამე მომივა, თუ ცოცხალი აღარ ვიქნები, მაშინ ეს თუხელისუფლების დაკვეთით მოხდება, მაგრამ ჩემს შვილებზე ვინ იზრუნებს და რა ბედი ელის ოჯახს, არ ვიცი, უმძიმეს მდგომარეობაში ვართ. ჩემი ქუჩაში გასვლა ოჯახისთვის ტრაგედიადაა აღქმული,“ – ამბობს გიორგი ჯუკაშვილი.
კომენტარები