არალეგიტიმური პარლამენტის თავმჯდომარე დასავლეთ საქართველოში დატრიალებულ სტიქიას, უბრალოდ, “თოვლს” უწოდებს. იმ დროს, როდესაც გურიაში დიდთოვლობას ერთი ადამიანის სიცოცხლე უკვე ემსხვერპლა, არაერთი სოფელია უკვე გარე სამყაროს მოწყვეტილი, არსებობს სახურავების ჩამონგრევის საფრთხე, არის საკვების და მედიკამენტების პრობლემა. შალვა პაპუაშვილი მართალია, დიახ, ეს უბრალოდ თოვლია და დიახ, მისი ე.წ. ხელისუფლება ამ უბრალო თოვლს ვერ უმკლავდება, თუნდაც იმით, რომ ვერ ან არ დაგეგმეს წინასწარ სამუშაოები, არ დაიწყო გზების წმენდა პირველივე დღიდან, არ იქნა დახმარება დროულად მოთხოვნილი და მიღებული.
სტიქია გრძელდება, სტიქია, რა – თოვლი და ამ პირობებში აკეთებენ ყველაფერს, რომ კომუნიკაცუა აღდგეს. სახელმწიფო ყველა ზომას იღებს, რაც საჭიროა, როგორც პრევენციის, ისე იმ ზიანის აღმოსაფხვრელად, რომელიც ასეთ დროს გვაქვს ხოლმე სახეზე, – თქვა პაპუაშვილმა.
პრევენციულად რა ღონისძიება ტარდება ამ მომენტისთვის, როცა ყველა პრევენციული ზომა დაგვიანებული ჩანს, უცნობია.
ცნობისთვის, მას შემდეგ, რაც პაპუაშვილი დარწმუნებით აცხადებდა, რომ ყველა ზომას იღებენ, დასავლეთ საქართველოში ჯარის გაგზავნის გადაწყვეტილება იქნა მიღებული, როგორც ჩანს, თურმე, ვერ იღებენ ყველა ზომას, სხვა შემთხვევაში, ჯარის დახმარება ამ “უბრალოდ თოვლის” დროს, რა საჭირო იქნებოდა.
კომენტარები