“ოპოზიცია ერთიანი სიით არ გავა არცერთ არჩევნებში, ამის გარანტიას გაძლევთ” – ჩერგოლეიშვილი

ფედერალისტების თანადამფუძნებელი, თამარ ჩერგოლეიშვილი:

ოპოზიცია ერთიანი სიით არ გავა არცერთ არჩევნებში.

ამის გარანტიას გაძლევთ.

ყველა, ვინც ერთიან სიას გისახავთ პანაცეად, არის ყეყეჩი, რომელიც მისი ხელიდან მუდმივი ფრუსტრაციისთვის წირავს მათ, ვინც ენდობა – საბედნიეროდ, ცოტა ენდობა.

არ დაგიმალავთ, ძალიან რთულია იმ
ბანკროტებთან საქმიანი ურთიერთობა, ვისაც არანაირი შინაარსი არ გააჩნია, არც საკუთარი თავის იმედი აქვს და ტივტივის ერთადერთ გზად უშინაარსო აჯაფსანდალში ადგილის მოპოვებას ხედავს.

არ იქნება ერთიანი სია.

რაც სწრაფად შეწყვეტს ტელემედია ამ მარცხისთვის განწირული თემის ტრიალს, მით ნაკლებად მოუწევს თბილისისკენ მომავალ მანქანების კოლონებზე ტყუილების მოფიქრება (თუ გადაურჩა საკუთარ უტვინობას რომელიმე ოპო ტელემედია საერთოდ).

ყველამ მიხედეთ თქვენს პარტიას – თუ გაქვთ ამის თავი.

არადა წადით სახლებში.

P.S. ერთიან სიაზე ვინც საუბრობს, იმას ოპოზიციის ერთობა არ აინტერესებს, არც თანხმობა აინტერესებს.

არაერთი საკითხია რაზეც ვთანხმდებით, მაგრამ ნაცვლად იმ საკითხების პედალირებისა, რაზეც ვთანხმდებით, უთანხმოების გამომწვევ თემებს გვტენიან, რომ ხალხი ფრუსტრაციაში ჩააგდონ.

მიზეზი ერთია – ეს ადამიანები არ არიან მიჩვეული ამომრჩეველთან მუშაობას, პოლიტიკური ბანკროტები არიან.

მათ ბელადის, ან ფულის ტომრის მლიქვნელობით შეუძლიათ მხოლოდ ადგილის დამკვიდრება.

ახლაც ვიღაც ერთს ეძებენ, ვისაც შეეტენებიან და სიაში მოხვდებიან.

ანუ არანაირი თანხმობა მათ არ აინტერესებთ – ასეთ კრიტიკულ დროშიც, უთანხმოების თემებს პედალირებენ, საკუთარ ადგილზე ფიქრობენ და გარანტიებს ერთ ბელადთან ან ფულის ტომარასთან დალაგებაში ხედავენ.