ფოსტალიონებად ქცეულმა შინაგან საქმეთა სამინისტროს თანამშრომლებმა ნადიმ ხმალაძეს ჯარიმის ქვითარი საცხოვრებელ სახლში უკვე მეხუთედ მიუტანეს – ნადიმ ხმალაძეს ამჯერადაც 5 000-ლარიანი ჯარიმა გამოუწერეს და ჯამურად, 25 ათას ლარია.
მისი თქმით, ივანიშვილის რეჟიმი ფინანსური წნეხის ქვეშ მოქცევას ცდილობს, რადგან მებრძოლის განმარტებითვე, ყოველ ჯერზე, როდესაც უკრაინიდან საქართველოში ბრუნდებოდა, ფინანსურ სანქციას სხვადასხვა მიზეზით აკისრებდნენ.
ფოსტალიონებად აქციეს პოლიციელები. მინდა აღვნიშნო, რომ ძალიან რცხვენოდათ პოლიციელებს. გაგვიჭირდა თქვენთან მოსვლა, ვიცით ვინც ხართო. 2022 წლის დიდი აქცია, რომ იყო დამიჭირეს მე მაშინ და დამაჯარიმეს. ქონების გადასახადს არასწორად იხდიო. შემდეგ დაბრუნებაზე დიდი თანხით დამაჯარიმეს. მატერორებენ. ფინანსურად უნდათ, რომ ჩამიკეტონ ჟანგბადი, სუნთქვა ამიკრძალონ, მაგრამ მე არ გავჩერდები” – განაცხადა ნადიმ ხმალაძემ.
კომენტარები