როგორც კი უცხოური ჩარევა შეწყდება, ჩვენ გავაერთიანებთ ჩვენს საზოგადოებას სამი ძირითადი პრინციპის გარშემო: მამული, ენა და სარწმუნოება – ყაველაშვილი

ჩვენი ოპონენტები გვესაუბრებიან ადამიანის უფლებების შესახებ, მაგრამ მათ მიაღწიეს იმ წერტილს, როდესაც 8 ან 9 წლის ბავშვს შეუძლია მიიღოს გადაწყვეტილება სქესის შეცვლის შესახებ, – განაცხადა მიხეილ ყაველაშვილმა ფრანგულ მედიასაშუალებასთან – Radio Courtoisie-სთან საუბრისას.

ჟურნალისტის კითხვაზე, შეუძლია თუ არა საქართველოს შთააგონოს ქრისტიანული ოჯახები ევროპაში, რომლებიც თქვენს მსგავსად იცავენ ოჯახსა და ტრადიციებს, ყაველაშვილმა განაცხადა, რომ ის პარტიებზე მაღლა დგას და სჯერა, რომ უნდა დავუბრუნდეთ ღირებულებების, მშობლებისა და ოჯახის დაცვას.

„დიდი მადლობა კითხვისთვის. როგორც პარლამენტარს მკაცრი პოზიციები მქონდა. როგორც პრეზიდენტი, ეს სხვაგვარადაა. მე პარტიებზე მაღლა ვდგავარ. მაგრამ მჯერა, რომ ჩვენ უნდა დავუბრუნდეთ ღირებულებების, მშობლებისა და ოჯახის დაცვას. სახელმწიფო მდივნის, მარკო რუბიოს განცხადებები მიუთითებს, რომ ეს მიმართულებები მომდევნო წლებში კიდევ უფრო გაძლიერდება. ამასთან დაკავშირებით, საქართველომ აღარ უნდა დაუშვას უცხოელი მინისტრების ჩარევა არჩევნებსა და ქვეყნის შიდა საქმეებში“, – აღნიშნა ყაველაშვილმა.

კითხვაზე, რომელი გველეშაპი უნდა დაამარცხოს ახლა საქართველოს მფარველმა წმინდა გიორგიმ? მიხეილ ყაველაშვილა აღნიშნა, რომ საქართველომ უნდა დაამარცხოს ვოკიზმი.

„ჩვენი ოპონენტები გვესაუბრებიან ადამიანის უფლებების შესახებ, მაგრამ მათ მიაღწიეს იმ წერტილს, როდესაც 8 ან 9 წლის ბავშვს შეუძლია მიიღოს გადაწყვეტილება სქესის შეცვლის შესახებ. ჩვენ გვაქვს რესურსები: ჩვენ გავაერთიანებთ ჩვენს საზოგადოებას, როგორც კი უცხოური ჩარევა შეწყდება, რათა გავერთიანდეთ სამი ძირითადი პრინციპის გარშემო: მამული, ენა და სარწმუნოება. საქართველო ყოველთვის იბრძოდა გადარჩენისთვის. მას ამ მიმართულებით დიდი გამოცდილება აქვს. დამოუკიდებლობის აღდგენის შემდეგ ჩვენ ვსწავლობთ ჩვენი სუვერენიტეტის შენარჩუნებას.

ჩვენი ქრისტიანული რწმენა მჭიდროდაა დაკავშირებული ჩვენს იდენტობასთან. ჩვენ ღვთისმშობელი გვიცავს. ისტორიის გარკვეულ პერიოდში საქართველოს სახელმწიფო არ ჰქონია. ამ გაურკვეველ დროში ქართველები საკუთარ თავს ღმერთსა და სამშობლოს შორის ბუნებრივ კავშირად მიიჩნევდნენ, რათა დაეცვათ თავიანთი ქვეყანა. ბევრი წმინდანი გვყავს, ამ მოწამეებმა თავი შესწირეს მტერთან ბრძოლას მომავალი თაობებისთვის მომავლის შესანარჩუნებლად. მათთვის მთავარი იყო, როგორც დიდმა ილია ჭავჭავაძემ თქვა, მამული, ენა და სარწმუნოება. ეს სამი სვეტი კვლავ აქტუალურია ჩვენი თანამოქალაქეებისთვის. აქედან გამომდინარეობს ჩემი ოპტიმიზმი: ქართული საზოგადოება შეძლებს ცივილიზაციის ამ ღირებულებების ირგვლივ გაერთიანებას“, – განაცხადა ყაველაშვილმა.