როგორ დასჯიდა ივანიშვილი ფარცხალაძეს, რომ გაეგო, საქმეს “კერავდნენ? – “ფარცხალაძისგან მუქარა არ იყო, ფინანსური შეთავაზება უფრო” – მოსამართლის სკანდალური ინტერვიუ”

როგორ ცდილობდა აშშ-ს მიერ სანქცირებული ყოფილი გენერალური პროკურორი ოთარ ფარცხალაძე “კაბელების საქმის” მოსამართლის გაჩუმებას – დავით ჯუღელი რამდენიმე ვერსიას ასახელებს, რომელიც მისი თქმით, მან შუამავლის საშუალებით შეუთვალა, მათ შორის იყო საუბარი ფინანსურ შეთავაზებაზეც, რომელშიც  “6 და მეტ ნული“ ფიგურირებდა.

მოსამართლე ამბობს, რომ ივანიშვილს, თურმე, საქმე გამართული ეგონა და უმალავდნენ, რომ “შეკერილია”.

ფარცხალაძე საქმის როგორმე გადაწყვეტის ხელმძღვანელი იყო, მასთან შუამავალი ვინც იყო, სხვადასხვა გზებს მთავაზობდა, ეს იყო განცხადება სამსახურიდან წასვლაზე, დაცულ კლინიკაში მოთავსება, თითქოს, ხელის ან ფეხის მოტეხილობსი გამო ვეღარ შეძლებს საქმის გაგრძელებას. ასევე იყო შეთავაზება, დამესახელებინა თანხა – ამ ვერსიებს უფრო ფარცხალაძის შუამავლისგან ვიგებდი. პირდად არ მინახავს, პირადად სასამართლოს თანამშრომლების გარდა,  მე თვითონვე მქონდა გაცხადებული, რომ არავის შევხვდებოდი. 

მას შემდეგ, რაც პროკურატურა ჩაეხსნა, ყველანაირი შუამავლების ურთიერთობიდან, გამოჩნდა ეს ადამიანი, მას მთავარი როლი ჰქონდა და მისგან მოდიოდა ინიციატივაც და როგორც მივხვდი, ის კარნახობდა შემდგომში სასამართლოს თავმჯდომარეს, გვენეტაძესაც, როგორ მოქცეულიყო. წინა დღით ვიცოდი, რას შემომთავაზებდა მეორე დღეს ნინო“, -ამბობს ყოფილი მოსამართლე.

კითხვაზე, ოთარ ფარცხალაძე მართავდა თუ არა მაშინ პროკურატურას და უზენაეს სასამართლოს, ჯუღელი ამბობს:

რა თქმა უნდა, პირველ რიგში პროკურატურას, თუ საჭირო იქნებოდა რაიმე სახის შუმადგომლობის დაყენება, აქ პრობლემა არ იქნებოდა, როდესაც პირველივე დღეს თვითონაც დარწმუნდა, რომ უბრალოდ უნდა მოგეწერა ხელი დიდ ტყუილზე, მას შემდეგ დაიწყო საქმის რბილად მოგვარების მცდელობა, როგორმე ეს არ მისულიყო ალბათ ბიძინას ყურამდე, ვინაიდან, ივანიშვილს ბოლოდემ უმტკიცებდნენ, რომ საქმეში დარღვევა არ იყო, აქ იყო ერთი მოსამართლის გაჯიუტება მხოლოდ და საქმე იყო გამართული თავიდან ბოლომდე.

ფარცხალაძე საქმეში პირველივე დღეებიდან ჩაერთო, ოღონდ არა მუქარით, უფრო შეთავაზებით, ფინანსური, ასევე დავნიშნავთ მოსამართლედო. 

რაც შეეხება ჩინჩალაძე-მურუსიძის მონაწილეობას აღნიშნულ საქმეში – ყოფილი მოსამართლე აცხადებს,რომ “მათ ძალიან კარგად იცოდნენ მისი ხასიათი და შესაბამისად, რაიმე სახის თხოვნას, ან მოთხოვნას და მუქრას აზრი არ ექნებოდა, შესაბამისად, საერთოდ არ გამოჩენილან.“

პირიქით, მათ ნდობა მოიპოვეს ხელისუფლების თვალში. ალტერნატივა დაანახეს, როგორ შეიძლება ერთი გაჯიუტებული მოსამართლის მისერ, მათივე განცხადებით, დაშვებული შეცდომის გამოწსორება. მათ დაანახეს ამავდროულად, რომ ამ საქმეს და მოსამართლეებთან ურთიერთობას ვერ მოაგვარებს გარეშე პირი და ვერც ახლად დანიშნული უზენაესი სასამართლოს თვმჯდომარე“, – განაცხადა მან. 

იგივე ინტერვიუში, მოსამართლე ამბობს, რომ ინტერესი კაბელების საქმეზე ივანიშვილისგან მოდიოდა და მისი სახელით ესაუბრებოდნენ. 

წყარო ტვ პირველი