• რეკლამა
  • კონტაქტი
14:50, ხუთშაბათი, 19 ნოემბერი, 2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

“ყველა სახსრები ამოგვეწურა, ქირას ვერ ვიხდით, საჭმლის ფულიც არ გვაქვს, ვის მივმართოთ?” – სტუდენტები

ალია ავტორი - ალია
15:58 05-26-2020
- ახალი ამბები, მთავარი
A A
0
Facebook-ზე გაზიარება
38

21 წლის მაიკო ჩხეტიას უწევს დაცალოს დაქირავებული ბინა, რომელშიც ორ წელიწად-ნახევარი იცხოვრა – ის ვეღარ იხდის ქირის საფასურს, 350 ლარს. ნათესავის კუთვნილი მეორადების მაღაზია, სადაც მაიკო მცირე შემოსავალს იღებდა, მარტში დაიკეტა. კიდევ უფრო ადრე დაიკეტა ე.წ. საზღვარი აფხაზეთთან, რომლის გავლითაც გალის რაიონის ერთ-ერთ სოფელში მცხოვრები მშობლები მაიკოს და მის პირველკურსელ დას პროდუქტებსა და ფულს უგზავნიდნენ.

“საჭმელიც რომ აღარ გვქონდა, მამიდაშვილმა შეგვიფარა. ახლა ნათესავების იმედად ვართ” – ამბობს ის.

სტუდენტებს ოკუპირებული ტერიტორიებიდან სწავლის გადასახადს, 2 250 ლარს, საქართველოს სახელმწიფო უფინანსებს. საცხოვრებელ ხარჯებს სტუდენტები თავად ფარავენ.

აფხაზეთში შესვლა-გამოსვლა დე ფაქტო ხელისუფლებამ 27 თებერვალს აკრძალა. დღეს, ოფიციალური ინფორმაციით, თბილისის კონტროლირებად ტერიტორიაზეა 242 სტუდენტი ოკუპირებული რეგიონიდან – ისინი, ვინც ვერც სახლში წასვლა მოახერხა და ვერც ოჯახის დახმარებას იღებს. სახელმწიფომ მათ ერთჯერადი დახმარება გაუწია საკვები პროდუქტებითა და ჰიგიენის ნივთებით.

“აბსოლუტურად ყველანაირი ფინანსების გარეშე დავრჩით”, – ამბობს მესამეკურსელი ელენე გოგოხია. სოხუმის უნივერსიტეტის ბიზნესის ფაკულტეტის სტუდენტი გლობალურ პანდემიამდე სასტუმროში მუშაობდა. სასტუმროს დახურვის შემდეგ, ელენემ და თავისმა დამ მარკეტში სცადეს მუშაობის დაწყება. შემდეგ თბილისში საზოგადოებრივი ტრანსპორტი შეიზღუდა და დებმა მარკეტში მუშაობა შეწყვიტეს.

“გალში მამაჩემი მუშაობს მხოლოდ და მისი სამსახურიც დაიხურა. თანხის გამოგზავნის საშუალება იყო, მაგრამ მშობლები თვითონაც ვერ მუშაობდნენ”.

ელენე გოგოხია რადიო თავისუფლებას ეუბნება, რომ სახელმწიფოს დახმარებისთვის მიმართა და მსგავსი ფინანსური პრობლემების პირისპირ დარჩენილი 100-მდე გალელი სტუდენტის კონტაქტებიც შეაგროვა და სხვადასხვა უწყებას მიაწოდა. ელენემ ერთი თვის ქირის ფულის გადახდა შეძლო, თუმცა არა სახელმწიფოს, არამედ არასამთავრობო ორგანიზაციების, ნაცნობებისა და მეგობრების დახმარებით.

“ახლა თანხა, დახმარებები, ყველაფერი ამოგვეწურა და არ ვიცით, ვის მივმართოთ, როგორ ვითხოვოთ დახმარება. იმედი გვაქვს, რომ ქირის ფულს მაინც გამოგვიყოფენ, საჭმელზე კიდევ რამეს ვიზამთ”, – ამბობს ის.

ნაციონალიზმისა და კონფლიქტების კვლევის ინსტიტუტის წარმომადგენელი ელიკო ბენდელიანი ამბობს, რომ გალელი სტუდენტების დასახმარებლად დიდი თანხა არაა საჭირო.

“მათ აქვთ დაქირავებული დაბალფასიანი ბინები და ერთად ცხოვრობენ, ხშირ შემთხვევაში. ჩემი პირადი ხედვაა, გარკვეული სტიპენდიების დანიშვნა ამ სტუდენტებისთვის. თუნდაც მანამდე, სანამ ეს კრიზისული პერიოდი გაივლის. თვეში 200 ლარიანი სტიპენდიაც კი ამ ახალგაზრდებს პრობლემას გადაუწყვეტდა”, – ეუბნება ბენდელიანი რადიო თავისუფლებას და განაგრძობს: “ერთჯერადი დახმარებები, რასაც ინდივიდუალური პირები ან სამოქალაქო სექტორი იჩენს, მისასალმებელია, მაგრამ არასაკმარისი”.

გალის საგანმანათლებლო რესურსცენტრის უფროსი ნონა შონია რადიო თავისუფლებას ეუბნება, რომ აფხაზეთის მთავრობა დაეხმარა სოციალურად დაუცველ 31 სტუდენტს. ქირისგან გაათავისუფლეს სტუდენტურ საცხოვრებელში მცხოვრები 7 სტუდენტი.

დანარჩენი ასობით სტუდენტის ბინის ქირის საკითხზე კი, ნონა შონიას თქმით, “მიმდინარეობს მუშაობა”.

“რადიო თავისუფლება”

კომენტარები

რედაქტორის რჩევით

“ალოო, კალაძე, იძირება თბილისი” – დატბორილი.ქუჩები და ხალხი მერს
ახალი ამბები

“ალოო, კალაძე, იძირება თბილისი” – დატბორილი.ქუჩები და ხალხი მერს

23:24 08-14-2026
“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან
ახალი ამბები

“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან

15:55 08-14-2026
“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი
ახალი ამბები

“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი

23:28 08-13-2026
„ივანიშვილს მოსკოვიდან გამოატანეს 2 მილიარდი დოლარი საქართველოში რუსული საქმეების გასაკეთებლად“ – გიორგი გუგავა
ახალი ამბები

„ივანიშვილი პირდაპირ ეუბნება ამერიკელებს, რომ სახელმწიფო მე ვარ და მე უნდა დამელაპარაკოთო…“ – კოტე კემულარია

17:04 07-18-2026

ბიზნესი

თიბისის მონაცემთა დამუშავების ცენტრი – უნიკალური შესაძლებლობების მქონე ახალი ინფრასტრუქტურა საქართველოში
ახალი ამბები

თიბისის მონაცემთა დამუშავების ცენტრი – უნიკალური შესაძლებლობების მქონე ახალი ინფრასტრუქტურა საქართველოში

13:55 11-19-2026
როგორ მუშაობს SEO სტრატეგია ქართულ საძიებო ბაზარზე 
ახალი ამბები

როგორ მუშაობს SEO სტრატეგია ქართულ საძიებო ბაზარზე 

18:12 11-18-2026
თიბისი კონცეპტის, Visa-ს და M.T.A.-ს განსაკუთრებული შეთავაზება სათხილამურო სპორტის მოყვარულთათვის
ახალი ამბები

თიბისი კონცეპტის, Visa-ს და M.T.A.-ს განსაკუთრებული შეთავაზება სათხილამურო სპორტის მოყვარულთათვის

14:25 11-18-2026
თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა
ახალი ამბები

თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა

13:55 11-18-2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2026 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2026 Alia.ge - All rights reserved