“გადარეცხილი სისხლი და ჰიმნი, ორი მიცვალებულით “აღნიშნული” დამოუკიდებლობის დღე!”

სამოქალაქო აქტივისტი, ლიკა გამრეკელი, სოციალურ ქსელში, აქვეყნებს ფოტოს და წერს:

“სისხლით მოპოვებული თავისუფლების დღეა!
მახსოვს ისე წვიმდა, ზეცაც განიცდიდა რომ ქართველმა ქართველი ესე გაიმეტა. 
სისხლიანი თბილისი! 
როცა მტერი გებრძვის, გასაგებია, უნდა მოიგერიო!
როცა რეჟიმი ქვეყანას უპირისპირდება, რომლის შენარჩუნებასაც სისხლით და შიშით ცდილობს, რთულია სულით არ დაეცე!
მოყვარეში მტერს რომ პოულობ, რთულია არ გატყდე!
როცა ეხვეწები შვილის თანატოლს “არ დამარტყაო”, რთულია ისევ გიყვარდეს შვილების თაობა!
როდესაც მამის ხელა კაცი დუბინკას გირტყამს, რთულია ნორმალური გაიზარდო!
როცა მოდიხარ სისხლიანი სახლში, ყველაზე რთულია თვეობით უძილობა სიზმრების შიშით!
26 მაისი, გადარეცხილი სისხლი და აჟღერებული საქართველოს ჰიმნი, ამაზე მეტი ცინიზმი არ არსებობს!
მაღაზიაზე, ორი მიცვალებულით “აღნიშნული” დამოუკიდებლობის დღე! ბევრი სასიკვდილოდ დაშავებულით “ნაზეიმარი” სისხლისმსმელი ხელისუფალი!
ჩემმა საქართველომ ამას გაუძლო!”