ევროკომისიამ უკრაინას ჰუმანიტარული დახმარების სახით 148 მილიონი ევრო გამოუყო.
ევროკომისიის მიერ გავრცელებული ინფორმაციით, ახალი დაფინანსება გამოყენებული იქნება სიცოცხლოდ მნიშვნელოვანი მხარდაჭერის უზრუნველსაყოფად და უკრაინის ყველაზე მოწყვლადი მოსახლეობისთვის აუცილებელი დახმარებისთვის.
ვინაიდან რუსეთის აგრესიული ომი აგრძელებს უკრაინის განადგურებას, გადაუდებელი დახმარება, დაახლოებით, 12.7 მილიონ ადამიანს ესაჭიროება. ევროკომისიის ახალი დაფინანსება გამოყენებული იქნება სიცოცხლოდ მნიშვნელოვანი მხარდაჭერის უზრუნველსაყოფად და უკრაინის ყველაზე მოწყვლადი მოსახლეობისთვის აუცილებელი დახმარების უზრუნველსაყოფად. 148 მილიონი ევროს ახალი დაფინანსება გააგრძელებს სასიცოცხლო მნიშვნელობის ჰუმანიტარული დახმარების მხარდაჭერას როგორც უკრაინაში, ასევე მოლდოვაში“, – აღნიშნულია ინფორმაციაში.
კომისიის ცნობით, უკრაინაში ჰუმანიტარული პროექტებისთვის 140 მილიონი ევროა გამოყოფილი.
დაფინანსება მიმართული იქნება გადაუდებელი დახმარებისთვის, მათ შორის საკვების, თავშესაფრის, სუფთა წყლის, ჯანდაცვისა და ზამთრის პერიოდში დაცვის უზრუნველყოფაზე. ძირითადი პრიორიტეტებია მოწყვლადი მოსახლეობის მხარდაჭერა აღმოსავლეთ და სამხრეთ უკრაინის ომით დაზარალებულ რეგიონებში, – ვკითხულობთ ინფორმაციაში.
ამასთან, მოლდოვაში ჰუმანიტარული პროექტებისთვის 8 მილიონი ევროა გამოყოფილი. მხარდაჭერა ფოკუსირებული იქნება უკრაინელი ლტოლვილებისა და მოლდოვური მასპინძელი თემების დახმარებაზე, ასევე ისეთ კრიტიკულ სერვისებზე წვდომაზე, როგორიცაა ჯანდაცვა, განათლება, და ფსიქოსოციალური მხარდაჭერა.
ევროკომისიაში განმარტავენ, რომ დახმარების აღნიშნული პაკეტით მათ მიერ უკრაინისთვის გამოყოფილი ჰუმანიტარული დახმარების საერთო ღირებულება 1.1 მილიარდ ევროს გადააჭარბებს.
კომენტარები