თბილისის საკრებულოს სხდომაზე სიტყვით გამოსვლა კახა კალაძემ ისევ პარტნირების ლანძღვით დაიწყო. დედაქალაქის მერი ამტკიცებდა, რომ დასავლეთმა საქართველო დასაჯა. კალაზე დღეს იმეორებდა, რომ ევროკავშირში გაწევრიანების შესახებ მოლაპარაკაბების გახსნა-არგახსნა სწორედ მხოლოდ მათი გადასაწყვეტია.
სამწუხაროდ, დღეს საქართველო ისევ დასაჯეს. ახალი მოიფიქრეს: მოლაპარაკებების გახსნა-არგახსნა. თეთრზე შავით გვიმტკიცებენ, რომ დსთ-ს წევრი ქვეყანა თურმე ნათელ ფერებშია, საქართველო კი ბნელში. ეს არის ევროპული სამართლიანობა? კითხვა, რა თქმა უნდა, რიტორიკულია, პასუხი კი გახლავთ პრემიერ-მინისტრი 28 ნოემბრის განცხადება, როდესაც მივიღეთ გადაწყვეტილება, მთელი პასუხისმგებლობა დაეკისროს ევროკავშირის უწყებებს. ჩვენ ღიად ვთქვით, რომ მხოლოდ და მხოლოდ მათზეა დამოკიდებული მოლაპარაკებების გახნის ბედი, – თქვა კალაძემ.
შეგახსენებთ, რომ თბილისის საკრებულოს დღევანდელ სხდომას პროდასავლური ოპოზიცია არ ესწრება. ყველა მათგანმა დღეს განცხადება გაავრცელა და თქვეს, რომ მოძალადე და რუსეთუმე არალეგიტიმურ ხელისუფლებასთან სალაპარაკო არაფერი აქვთ და ბრძოლას რუსთაველის გამზირზე განაგრძობენ.
კომენტარები