5 ტელეარხზე რომ ზის გალაღებულ-გათავხედებული “ბაბლი,” 24/7 ხელისუფლებას ლანძღავს და თან თავისუფლებას ითხოვს, 2012 წლამდე ჰქონდათ ეს თავისუფლება? იატაკქვეშ იყვნენ ჩამძვრალნი მედია და სამოქალაქო სექტორი და აქა-იქ თუ წამოიკნავლებდნენ რამეს. თავად მაინც არ მქონდეს ნანახი, – წერს ექსპერტი ზაალ ანჯაფარიძე სოციალურ ქსელში.
მისივე თქმით, წინა ხელისუფლების დროს ვერავინ გაბედავდა იმ მასშტაბის ბულინგს რასაც ეხლა ბედავენ თავისუფლად. მანვე აღნიშნა, რომ თუ ოპოზიცია ხელისუფლებაში დაბრუნდა გაათმაგებულად გააკეთებენ იმას, რასაც აკეთებდნენ და დასავლეთი მათ ტაშს დაუკრავს, როგორც “ანტი-დასავლურ” ძალებთან მებრძოლებს.
„5 ტელეარხზე რომ ზის გალაღებულ-გათავხედებული “ბაბლი,” 24/7 ხელისუფლებას ლანძღავს და თან თავისუფლებას ითხოვს, 2012 წლამდე ჰქონდათ ეს თავისუფლება? იატაკქვეშ იყვნენ ჩამძვრალნი მედია და სამოქალაქო სექტორი და აქა-იქ თუ წამოიკნავლებდნენ რამეს. თავად მაინც არ მქონდეს ნანახი
მაშინდელი ხელისუფლების წარმომადგენლებზე ვინმე გაბედავდა იმ მასშტაბის ბულინგს რასაც ახლა ბედავენ თავისუფლად? ბიზნესმენი რომ მედიით მოუწოდებს ხალხს ქუჩაში გამოდით ხელისუფლება დაამხეთო, ძვლებს არ უმტვრევენ და მშვიდად აგრძელებს თავის ბიზნესს, ადრე ვინც ეს გაბედა, კი გაისტუმრეს საიქიოში და ა.შ. და ა.შ.
ეხლა თავად დაფიქრდით, ამ ყველაფრის გამკეთებლებმა, დღეს რომ ხელისუფლებაში უნდათ დაბრუნება, ზნე შეიცვალეს? არაფერში ეტყობათ. გაათმაგებულად გააკეთებენ იმას რასაც აკეთებდნენ, და დასავლეთი, გარწმუნებთ მათ ტაშს დაუკრავს, როგორც “ანტი-დასავლურ” ძალებთან მებრძოლებს“, – წერს ზაალ ანჯაფარიძე.
კომენტარები