“კოლონები იყო თავგადაპარსული ქალების… სალომე ზურაბიშვილს ჰკითხეთ და ის მოჰყვება კარგად” – ხაინდრავა

კინორეჟისორმა, გოგა ხაინდრავამ, პრესკონფერენციაზე განაცხადა:

„ყველამ უნდა იცოდეს, საქართველოს ყველა მოქალაქემ, რომ ვინც ხმას აძლევს „ნაციონალურ მოძრაობას“ და ამ სატელიტებს, მის გარშემო შეკრებილს, ისინი ბოროტმოქმედებას სჩადიან, დანაშაულს სჩადიან; ისინი ქმნიან პირობას საკუთარი შვილების, საკუთარი მომავლის, საკუთარი ქვეყნის დანგრევის და გაცამტვერების, იმიტომ, რომ ეს ამოცანა უდგათ იმათ, ვინც „ნაციონალურ მოძრაობას“ და ხატია დეკანოიძეს დავალება მისცა, რომ „არა ომს“ წაეშალა, მოეკითხებათ აუცილებლად

მაგალითს მოგიყვანთ, რომელზეც სხვათა შორის, ამაზე შეგიძლიათ სალომე ზურაბიშვილს ჰკითხოთ და ის მოჰყვება კარგად, ალბათ საქართველოში ყველაზე კარგად მან იცის ეს თემა, როგორი დამოკიდებულება ჰქონდათ კოლაბორაციონისტებისადმი მეორე მსოფლიო ომის მერე – იმათ მიმართ, ვინც ეთანამშრომლებოდა და მხარს უჭერდა ვიშის მთავრობას, ნაციონალისტებს და ფაშისტებს საფრანგეთში. დიდი კოლონები იყო თავგადაპარსული ქალების, რომლებიც პარიზში იქით-აქეთ გაატარეს, იმათზე აღარ ვლაპარაკობ, ვინც პირდაპირ თანამშრომლობდა ვიშის მთავრობასთან. სალომე ზურაბიშვილს ჰკითხეთ ამაზე და ის მოყვება, მერწმუნეთ, კარგად იცის ეს ისტორია და კონკრეტულ პიროვნებებზეც შეიძლება ისაუბროს, თუ მოინდომებს, ბუნებრივია. ამიტომ მე მხარს ვუჭერ ყველანაირად და ვთვლი, რომ ქართულმა საზოგადოებამ უნდა დააყენოს ეს საკითხი. თუ ჩვენ გვინდა, ჩვენი ქვეყანა განვითარდეს, გადარჩეს და ჩვენს შვილებს და შვილიშვილებს რაღაც მომავალი ჰქონდეთ, აუცილებლად უნდა დადგეს იმ ადამიანების პასუხისმგებლობის საკითხი, რომლებიც საკუთარი პიროვნული, მერკანტილური ინტერესებიდან გამომდინარე, მიზანმიმართულად, ხელს უწყობს ამ ბოროტებას, რომ რაღაც გავლენა ჰქონდეთ საქართველოს პოლიტიკურ ცხოვრებაზე და მით უმეტეს, შესაძლებლობა ჰქონდეთ, რომ ესა თუ ის გავლენა ჰქონდეთ პარლამენტში.