“ფანქარს, კარს ან მაისურს თუ არ აწარმოებ, რას მიედ-მოედები საერთოდ” – ანა დოლიძე

კოლიცია “ძლიერი საქართველოს“ ლიდერები თელავში მოსახლეობას შეხვენენ, თავიანთი გეგმები გააცნეს და მათი პრობლემები მოისმინეს.

ანა დოლიძემ საზოგადოებას ერეკლე მეორის გაკეთებული სიკეთეები შეახსენა და აღნიშნა, რომ ამ ხელისუფლებას მის ქმედებასთან საერთო არაფერი აქვს.

“არ შეიძლება ერეკლე მეორე არ ვახსენოთ, როდესაც მის ქალაქში ვართ. მთავარი, ბევრ რაღაცასთან ერთად, რაც გამოარჩევდა ერეკლე მეორეს არის ის, რომ ერეკლე იყო სახალხო მეფე. დიდი გადაწყვეტილებებისა და დიდი მხედართმთავრობის გარდა, ქართველ ხალხს უყვარდა ის. ყველანაირი, ლექსი თუ ფილმი ამას აღნიშნავს. ის იყო ხალხის გვერდზე, ხალხთან ერთად და მისი სასახლეც, რაც დარჩენილია, აჩვენებს, რომ ამ ადამიანს არ აინტერესებდა ავლა-დიდება, ქონება. როგორც დავით აღმაშენებელია იმ ერთი ქვის ქვეშ, ერეკლე მეფისთვის მთავარი იყო ხალხი. ამის სრულიად საწინააღმდეგო ფასეულობების ხალხი გვყავს დღეს ხელისუფლებაში.

2013 წლის შემდეგ, ბიძინა ივანიშვილი ხალხში არ უნახავს არავის. ახლა,  გამაგრებებით გადაადგილდება, ერთი ქალაქიდან, მეორე ქალაქში. ამას თავი დავანებოთ, ვინმე მოსულა შესამოწმებლად? წყალი გაიყვანეს ქალაქებსა და სოფლებში?! წესით, ჩვეულებრივი ამბავია.

ის, რასაც ჩვენ გავაკეთებთ, როცა დაიდება გეგმა, რომ წყალი 21-ე საუკუნეში უნდა ჰქონდეს, ყველა სოფელსა და ქალაქს, შემდეგ ეს ვინმემ უნდა შეამოწმოს. ასე კი არ უნდა იყოს, შარშანდელი თოვლივით რომ გაქრნენ, საერთოდ. ბევრი რამის გამო არის საპირისპირო ეს ხელისუფლება, ერეკლეს ფასეულობებისგან. ისიც უნდა აღვნიშნო, რომ, სადაც ჩვენ მთავრობას არაფერი არ გაუკეთებია და ჩვენ გვაქვს დიდი რწმენა, რომ ეს გამოგვივა. გინდ სამუშაო ადგილების შექმნა, გინდ გაქცეულ ფასეულობებთან გამკლავება.

ზოგადად, ქართული საქონელი ბაზარზე არ არის, რადგან რუსული იაფია. არც ვეტერინარი არ არის, არც ლაბორატორია, არც მაცივარი, მიაქვს იმპორტულ რუსულ საქონელს ქართული ბაზარი. ჩვენ რომ გვინდა, რომ ემიგრაციაში არ წავიდეთ, ნორმალური ხელფასი გვქონდეს და კარგი ფასები იყოს, ბელგიაზე ძვირი კი არა, შეიძლება, რომ ხელფასი იყოს 10-ჯერ ნაკლები, ევროპაზე და ფასი იყოს ბევრად მეტი?! ასეთ სამყაროში არ ვცხოვრობთ ჩვენ. ამისთვის, საამაყო უნდა გავხადოთ ერთი რამ – “დამზადებულია საქართველოში”. ჩვენ ეს შეგვიძლია, ეს ყველაფერი ძალიან ბევრ რამეს მოაგვარებს.

ფანქარს, კარს ან მაისურს თუ არ აწარმოებ, რას მიედ-მოედები საერთოდ, ევროკავშირის დროშებს რომ ეფერები. აქ შევქმნით ჩვენ სამუშაო ადგილებს, ჩამოვიყვანთ ინვესტორებს, აქ გავასწორებთ სასამართლოს, აქ მოვუვლით სისტემას ისე, რომ ადამიანი ჩამოვიდეს და ქარხანა დახვდეს, აქ. ბოლო და უმნისვნელოვანესი საკითხი არის სტუდენტები და ახალგაზრდობა, სულ გვავიწყდება, რადგან ძალაინ ბევრი პრობლემაა, რომელს მივადგეთ, არ ვიცით

ტრანსპორტის პრობლემაა საქართველოში, სტუდენტი როგორ უნდა ჩამოვიდეს. ელემენტარული, გასაკეთებელია ის, რომ ღირსების შემლახავი არ იყოს ტრანსპორტი, რომელშიც ხალხი უნდა ჩასხდეს და შაბათ-კვირას სახლში ჩამოვიდეს. რას გავს ის გაჩერებები, სადაც სტუდენტები არიან, რა ფასი აქვს მას?! შეადარეთ ევროპას, რატომ გვინდა ევროპა? იმიტომ, რომ რეალური სერვისები, მომსახურებაა ხალხისთვის იქ და ნახეთ ევროპული სახალხო ტრანსპორტი, ვიღაცის კერძო კი არა.  იქ უნდა ჩაიდოს, ზუსტად, ფული, ამას გავაკეთებთ ჩვენ“,- განაცხადა დოლიძემ.