ნაციონალური მოძრაობის წევრის, ანა წითლიძის თქმით, ენგურჰესის დირექტორთა საბჭოს თავმჯდომარე, ლევან მებონია წინასაარჩევნოდ დანაშაულებრივ ქმედებებშია მხილებული.
“ენგურჰესის დირექტორი, ლევან მებონია ორ დანაშაულებრივ ქმედებაშია შემჩნეული. პირველი: მას დავალება აქვს, რომ ენგურჰესის თანამშრომლებს, რომლებიც ოპოზიციურად განწყობილი არიან, პირადობის მოწმობები ჩამოართვას, რომ ამ ადამიანებმა არჩევნებზე მისვლა და ხმის მიცემა ვერ შეძლონ.
მეორე და კიდევ უფრო მძიმე დანაშაული: ლევან მებონია მთავარი მომლაპარაკებელია რუს ოკუპანტებთან, რომ 24, 25 და 26 ოქტომბერს ენგურის ხიდი დაიკეტოს. ანუ, რუსმა ოკუპანტებმა ენგურის ხიდი დაკეტონ, რომ ოკუპირებულ ტერიტორიებზე მცხოვრებ საქართველოს მოქალაქეებს, დევნილებს არჩევნებში მონაწილეობის მიღების შესაძლებლობა არ ჰქონდეთ”. – თქვა წითლიძემ.
ანა წითლიძის თქმით, ლევან მებონიას დანაშაულებრივ ქმედებებთან დაკავშირებით მტკიცებულებები მოიპოვეს და ისინი საერთაშორისო ორგანიზაციებსა და სადამკვირვებლო მისიებს უკვე გადასცეს.
კომენტარები