რუსეთი “თალიბანს” ტერორისტული ორგანიზაციების სიიდან ამოიღებს. როგორც რუსული პროპაგანდისტული მედია იუწყება, ამის შესახებ ავღანეთში რუსეთის პრეზიდენტის წარმომადგენელმა ზამირ ქაბულოვმა განაცხადა.
ქაბულოვის თქმით, გადაწყვეტილება უკვე მიღებულია უმაღლეს დონეზე, მაგრამ “სამართლებრივ პროცედურებს საჭიროებს”.
რუსეთის ФСБ-ს ხელმძღვანელის ალექსანდრ ბორტნიკოვის განცხადებით, ФСБ ამთავრებს მუშაობას თალიბების ტერორისტული ორგანიზაციების სიიდან ამოსაღებად, რადგან ავღანეთში ხელისუფლებაში მყოფი თალიბანის ქმედებები “მიზნად ისახავს ქვეყანაში წესრიგის დამყარებასა და სტაბილურობას”. გარდა ამისა, ბორტნიკოვმა აღნიშნა, რომ თალიბები მზად არიან ებრძოლონ ISIS-ის ავღანურ ფრთას “ვილაიათ ხორასანს”.
რუსეთის ხელისუფლება უკვე დიდი ხანია ურთიერთობს თალიბანთან. თალიბანის წარმომადგენლები რეგულარულად ჩადიან მოსკოვში. წელს თალიბანი დაესწრო ფორუმს “რუსეთი – ისლამური სამყარო: ყაზანფორუმი”, ასევე სანკტ-პეტერბურგის საერთაშორისო ეკონომიკური ფორუმს.
კომენტარები