რა თქვა მერაბ დვალიშვილმა გამარჯვების შემდეგ

ქართველმა მებრძოლმა მერაბ დვალიშვილმა, ლას-ვეგასში, სუპერმსუბუქი წონის კატეგორიაში, საჩემპიონო ბრძოლა გამართა და მეტოქე შონ ომალი დაამარცხა.

33 წლის ქართველი მებრძოლი ქამრისთვის ბრძოლამდე 10- მატჩიანი მოგებათა სერიით მივიდა. მან UFC-ის სამი ყოფილი ჩემპიონი – ჟოზე ალდო, პიტერ იანი და ჰენრი სეხუდო დაამარცხა. გამარჯვების შემდეგ მერაბ დვალიშვილმა პირველი კომენტარი გააკეთა:

„მადლობა ყველას, მადლობა მეტ სერას. ვიცი, რომ ყოველთვის ჩემს გვერდით ხარ. ოქტაგონზე ისე ვგრძნობდი თავს, როგორც ყველა სხვა ბრძოლაში და მხოლოდ გამარჯვებისთვის ვიბრძოდი. ამ დღისთვის ძალიან ბევრი ვიშრომე და ოცნება ავიხდინე – საჩემპიონო ქამარი ჩემია. მსაჯების გადაწყვეტილებას რაც შეეხება, ცოტა უცნაურად წერენ ქულებს, მაგრამ რაც ყველაზე მნიშვნელოვანია, ეს ბრძოლა მოვიგე და UFC-ის სუპერმსუბუქი წონის ახალი ჩემპიონი სწორედ მე ვარ. იქნება შემდეგი მეტოქე ნურმაგომედოვი?

არ ვიცი, ამას დენა უაითი გადაწყვეტს, რომელსაც უდიდეს პატივს ვცემ და ძალიან მიყვარს. სწორედ მან აღმომაჩინა, UFC-ში კონტრაქტი გამიფორმა და მომცა ჩემი ოცნებების ახდენის საშუალება. ამიტომ, ვისთანაც მეტყვის, იმასთან ვიბრძოლებ. ო’მალის ეგონა, რომ სხვებზე უკეთესია, მაგრამ დავუმტკიცე, რომ ყველა ადამიანი ნორმალურია და არავის აქვს უფლება ზემოდან ყურების. მშენებლობიდან ქამრამდე მოვედი და მიხარია, რომ ბევრისთვის შთაგონების წყარო გავხდები და დაიჯერებენ, რომ შრომით ყველაფერს მიაღწევ. დამიფასდა დიდი შრომა და დღეს მე UFCში საუკეთესო მებრძოლი ვარ!”, – განაცხადა დვალიშვილმა.