“დაფიქრდით და “მოიხოდეთ” – რაში გადაიხადა “ოცნებამ” 800 ათასი?

ანალიტიკოსი, გია აბაშიძე, სოციალურ ქსელში, წერს:

“ანალიტიკოსის ვალდებულებაა გაანალიზოს ნებისმიერი პოლიტიკური სიტუაცია და გასცეს პასუხი ნებისმიერ პროფილურ შეკითხვას, კომენტარი გააკეთოს ნებისმიერ აქტუალურ თემაზე.
შეკითხვებზე პასუხის გაცემა დაქირავებული საჯარო მოხელის გაორმაგებული ვალდებულებაა.

როდესაც საერთაშორისო არბიტრაჟში “ფრონტერამ” საქართველოს ნავთობისა და გაზის საერთაშორისო კორპორაციასთან მწარედ წააგო, რატომ არაა ეს უცხოურ პრესაში ასახული? რას მიკეთებს “ქართული ოცნების” მიერ $800.000 -ად დაქირავებული ამერიკელი ლობისტური კომპანია? ლობისტს მართავს დამკვეთი გზავნილებითა და დღის წესრიგით. ლობისტი სხვაგვარად ვერ მოქმედებს.

როდესაც “აშშ-ის სენატორები, ტედ კრუზი და ჯონ კორნინი, კონგრესმენები, ჯუდი არინგტინი და მარქვეინ მალინი სახელმწიფო მდივან მაიკ პომპეოს და ხაზინის მდივან სტივ მნუჩინს წერილით მიმართავენ და საქართველოში აშშ-ის კომპანიების და ბიზნესის შევიწროების გამო შეშფოთებას გამოთქვამენ. ისინი ასევე მწუხარებას გამოთქვამენ საქართველოს ამერიკის მტრებთან კავშირების გამო და ამ კონტექტში ამერიკელი პოლიტიკოსები „ფრონტერას“ საკითხზე ამახვილებენ ყურადღებას და აღნიშნავენ, რომ კომპანიას, რომელმაც ქვეყანაში 500 მილიონი დოლარის ინვესტიცია განახორციელა, საქართველოდან გაძევება ემუქრება”, სადაა “ქართული ოცნების” საინფორმაციო ველი?

საჯარო შექებაც ვიცი და კრიტიკაც. მმართველი პარტიის საგარეო ფლანგი სუსტი იყო და არის. ვინც უძღვებოდა ამ ფლანგს და შემდეგ უმრავლესობა დატოვა არის უტიფარი, უპრინციპო არაპროფესიონალი. ამას პირველად არ ვამბობ. ვღიზიანდები განსაკუთრებით მაშინ, როცა შიდა სამზარეულო გარეთ გამოაქვს.

უცხოელ პოლიტიკოსებს, დიპლომატებს ჯეროვნად არ მიეწოდება ობიექტური რეალობა საქართველოს შესახებ. სამაგიეროდ, ჭარბად მიეწოდება დეზინფორმაცია ნაცებისგან.

ცოტა დაფიქრდით და მეტად “მოიხოდეთ” ქალბატონებო და ბატონებო მმართველ პარტიაში!”