ოთარ ფარცხალაძემ ძმა უარჰყო – რას ჰყვება ფარცხალაძის დაცვა?

საქართველოს ყოფილმა მთავარმა პროკურორმა, ოთარ ფარცხალაძემ ნარკოდანაშაულის ბრალდებით დაკავებულ ძმასთან კავშირი უარყო.

ყოფილი მაღალჩინოსნის დაცვის წევრები მედიასთან ეუბნებიან, რომ ოთარ ფარცხალაძეს ძმასთან, თორნიკე ფარცხალაძესთან კავშირი დიდი ხანია არ ჰქონია:

“დადასტურებული ფაქტია, რომ დააკავეს. ის აქ არ ცხოვრობს ბატონ ოთარს არანაირი ურთიერთობა არ აქვს. ოთარს თავის ძმასთან არავითარი კონტაქტი არ აქვს. წლებია არ ურთიერთობენ. ბატონ ოთარს ძმასთან ურთიერთობა არ აქვს”- აცხადებს დაცვის თანამშრომელი.
ის არ აკონკრეტებს დაძაბულობა ნარკოტიკებს უკავშირდება თუ არა.

მოგეხსენებათ, ფარცხალაძის დაცვის წევრი, უფროსის გარეშე კომენტარის გაკეთებას ვერ გაბედავდა, მით უფრო ძმების ურთიერთობაზე.

ასე, ფარცხალაძეს რამე კონტაქტი არც შსს-თან და ძალოვნებთან აქვს, მაგრამ საშვით კი დაგრიალებდა დაკეტილ ქალაქში.

არც მილიონებთან აქვს კონტაქტი და შეხება, მაგრამ დაცვითაც კი დადის…

ვერაფერი კი სატრაბახო ეგ ვერ არის ისე, ქართველ კაცს რომ ძმასთან ურთიერთობა გაქვს, ბატონო ოთარ და ამის გახმოვანება მაშინ რომ მოგინდება, როცა შენი ძმა ციხეშია.

შინაგან საქმეთა სამინისტროში აცხადებენ, რომ გამოძიება სისხლის სამართლის კოდექსის 260-ე მუხლის პირველი ნაწილით მიმდინარეობს, რაც ნარკოტიკების უკანონო შეძენა-შენახვას გულისხმობს.