,,ვემსახურები საქართველოს” დამფუძნებელი, ადვოკატი მარი საბიაშვილი სოციალურ ქსელში წერს:
„თუ ატყობთ, რომ უკვე ნელნელა ოპოზიციის მხარდამჭერებიც ალაპარაკდნენ იმაზე, რომ რადიკალური ოპოზიცია ზედმეტად აბულინგებთ ხალხს, განსხვავებული აზრისა თუ ქმედების გამო..
სხვათაშორის, თქვენდამი ჩემი დამოკიდებულების შეცვლის საფუძველიც ეს იყო.. იმდენად აგრესიულად გადმოხვედით შეტევაზე და ბულინგზე, როცა უპირობოდ თქვენს მოსაზრებებს არ ვიზიარებდი, რომ მივხვდი, სერიოზული პრობლემა გაქვთ…
კართან გაქვთ მომდგარი არჩევნები და ნაცვლად იმისა, რომ ხალხს საარჩევნო პროგრამა გააცნოთ ან/და საჯაროდ წარადგინოთ გეგმა, თუ როგორ ხედავთ მომავალში ქვეყნის განვითარებას, აქტივისტები და პარტიის პირველი პირებიც კი, დაკავებული ხართ ცინიკური პოსტების წერით, ვიღაცის ბულინგით და ჩაგვრით. ასე გამარჯვება კი არა, მხარდამჭერებს კარგავთ მეგობრებო.
ვისაც სად უნდა, იქ გაწევრიანდება.. ვისაც რა სურს, იმას გააკეთებს, ვისაც სად უნდა, იქ დარეგისტრირდება, ვისაც სად უნდა იქ იმღერებს… უმჯობესია, თქვენ თქვენი საქმე აკეთოთ და პოსტები თქვენს საარჩევნო პროგრამებს მიუძღვნათ, იქნებ მოგვეწონოს.
არასწორად მოქმედებთ.. ძალიან არასწორად.. ხალხს თავი უნდა შეაყვაროთ და არა პირიქით..
და კიდევ, ნუ გაქვთ ის წარმოდგენა, რომ თქვენ ყველაზე ჭკვიანები და მაგარი ტიპები ხართ.. სულ გეუბნებით ამას..
ეს უბრალოდ მეგობრული რჩევა, ჩემთვის ჯერ კიდევ პატივსაცემ ოპოზიციონერებს“
კომენტარები