ბელგიაში საქართველოს საპატიო კონსულად დაინიშნა რუსეთის ფედერაციის საგარეო საქმეთა მინისტრის – სერგეი ლავროვის ნათესავი იანიკ კალანტარიანი.
ამის შესახებ პირველად ინფორმაცია, ჟურნალისტმა გიორგი ფოფხაძემ გააჟღერა.
„ლელო საქართველოსთვის“ დღეს საგარეო უწყებას და სუს-ს მოუწოდებს, იანიკ კალანტარიანის ბელგიაში საპატიო კონსულად დანიშვნაზე გავრცელებულ ინფორმაციაზე განმარტება გააკეთოს.
,,პოლიტიკური გაერთიანება ,,ლელო საქართველოსთვის’’ მიმართავს საქართველოს საგარეო საქმეთა სამინისტროს, ასევე სახელმწიფო უსაფრთხოების სამსახურს გააკეთოს განმარტება იანიკ კალანტარიანის საპატიო კონსულად დანიშვნის ფაქტთან დაკავშირებით, ასევე უარყოს, ან დაადასტუროს ა.წ. 14 მაისს ,,კავკაზ პლიუსში’’ გამოქვეყნებული ფაქტების სისწორე’’
თუ მთავრობამ არ იცოდა, რომ ახალი კონსული არის ლავროვის ნათესავი – სუს-ის დანაშაულია.
სუსის დანაშაულია ისიც, რომ ვერ დაარწმუნა მთავრობა, არ დაენიშნა სხვა ქვეყანაში საქართველოს წარმომადგენლად ლავროვის ნათესავი.
გაგვცემს თუ არა მთავრობა პასუხს, როგორ მოხვდა ასეთ თანამდებობაზე კალანტარიანი – ერთად ვნახავთ.
საინტერესოა, რას ფიქრობს გახარია, ვის ინტერესებს გაითვალისწინებს ლავროვის ნათესავი, საქართველოს, თუ რუსეთის?
კომენტარები