“371 000$ ვუხდით ოქროს მედლისთვის, აზერბაიჯანი 250 000$ იხდის, გერმანიაში  მხოლოდ 20 000 ევროა გამოყოფილი” – ირაკლი მანაგაძე

ჟურნალისტი, ირაკლი მანაგაძე:

პოსტ საბჭოთა სივრცეში ყველაზე მეტ ფულს ოლიმპიელებს საქართველო უხდის 1 მილიონ ლარს, ანუ 371 ათას ამერიკულ დოლარს ვუხდით ჩვენი გაღლეტილი ჯიბეებიდან ოქროს მედლისთვის, რაც უპრეცედენტო რაოდენობაა, ჩვენზე ასჯერ მეტად მდიდარი აზერბაიჯანი ოქროს მედლისთვის 250 ათას დოლარს იხდის.

ისეთი ბედნიერი და მდიდარი სახელმწიფოთა ნაწილი, როგორიცაა შვედეთი, ნორვეგია და ისლანდია საკუთარ მედალოსნებს არანაირ კომპენსაციას არ უხდის.

მაგალითად, ევროპის ადუღებულ ეკონომიკის ქვეყანაში გერმანიაში ოქროს მედლის მფლობელისთვის მხოლოდ 20 000 ევროა გამოყოფილი, ვერცხლისთვის 15 000, ბრინჯაოსთვის კი – 10 000 ევრო. აღნიშნულ პრემიას გერმანიაში ფონდი Sporthilfe იხდის და არა სახელმწიფო. გერმანელი სპორტსმენები პრემიას არა პირდაპირ და სრულად, არამედ წლის განმავლობაში, ყოველთვიური განაწილებით იღებენ.

ამ ფონზე რამდენიმე კვირის წინ ახალგაზრდა ქალი კიბოთი დაიღუპა რადგან ჯანდაცვის სამინისტროს გაზულუქებულმა ჩინოვნიკებმა დაფინანსებასთან დაკავშირებით პასუხი დააგვიანეს, ქიმიოთერაპია დაგვიანებული აღმოჩნდა.

ამ ორი დღის წინ ორნი ანგელოზივით ბავშვი გამოიწვა ბინაში რადგან შუქი გამორთული ჰქონდათ, და დედამ 50 ლარი ვერ გადაიხადა. ყველამ შემოიხიეთ და როგორც თვალთმაქცებმა უმალ დაივიწყეთ ეს ამბავი. რამდენი უბედურება მოვთვალო რაც ჩვენს ირგვლივ ხდება და კაციშვილი ყურის გამპატყუნებელიც არაა.

ოპოზიცია იდიოტია, ხმას არ ამოიღებს, იმიტომ რომ ეშინია ან ხელისუფალთანაა გარიგებაში მოკეტოს. ძალიანაც მიხარია, თითეული ოლიმპიელს წარმატება, პირველ რიგში საკუთარი თავისთვის არის ეს წარმატება, კერძო კომპანიები მრავალათასიან კონტრაქტებს უდებენ და კი ბატონო, კერძო კომპანიამ რაც უნდა ის ქნას, მაგრამ აღებ მიცემობასაც ხომ აქვს საზღვარი?

ამიტომ არ ვართ, გერმანია, შვედეთი და ნოევეგია, ამიტომ ვართ ფულზე დახამებული და გაგიჟებული გურჯისტანი, სხვისი ჭირი ღობეს ჩხირი რომაა.