რა ბედი ელის ეროვნულ გამოცდებს და როდის სრულდება ონლაინ სასწავლო პროცესი?

საქართველოში ეროვნული გამოცდები ჩვეულ რეჟიმში ჩატარდება და მათი თარიღი ივნისში გამოცხადდება. ამის შესახებ პრემიერ-მინისტრმა გიორგი გახარიამ დღეს, 15 მაისს განათლების ანტიკრიზისული გეგმის წარდგენისას განაცხადა.

“2019-2020 სასწავლო წელი აკადემიურად არ გამოცხადდება. საქართველოში სასწავლო წელი დისტანციურად, ონლაინ, ტელესკოლის საშუალებით ჩატარდა ჩვეულებრივად, ნორმალურ რეჟიმში. მე-12 კლასელები სასწავლო წელს დაასრულებენ 20 მაისს, პირველკლასელები 27 მაისს, დანარჩენი მოსწავლეები 15 ივნისს”