საპარლამენტო უმრავლესობის წევრი, დეპუტატი კახა ოქრიაშვილი აცხადებს, რომ არ აპირებს მხარი დაუჭიროს საკონსტიტუციო ცვლილებების პროექტს საარჩევნო სისტემის შეცვლასთან დაკავშირებით, რომლის მიხედვით, პარლამენტი 2020 წლის საპარლამენტო არჩევნების შემდეგ შეგდება 120 პროპორციული და 30 მაჟორიტარული წესით არჩეული დეპუტატისგან.
მისივე თქმით, საკონსტიტუციო ცვლილების პროექტს სავარაუდოდ, მხარს არ დაუჭერს საპარლამენტო უმრავლესობის წევრი ენზელ მკოიანიც, რადგან ის ზოგადად, მაჟორიტარული სისტემის მომხრეა.
„მე არც წინა პროექტს დავუჭირე მხარი და არც ახლა დავუჭერ. ენზელ მკოიანი არის მომხრე მაჟორიტარული სისტემის. შესაძლოა, მე და ეგ… ახლა პროცესი ჩიხშია შესული ამ მოლაპარაკების მეორე პუნქტთან დაკავშირებით: გვყავს პოლიტპატიმრები თუ არ გვყავს, გამოუშვან, თუ არ გამოუშვებენ.
ჩემი პოზიციაა, რომ, რომც მყავდეს პოლიტპატიმრები, უმრავლესობა ვერ აღიარებს და ჩვენ გვყავს კონსტიტუციით ზეპარტიული პრეზიდენტი.
ჩემი აზრით, პრეზიდენტმა უნდა შეიწყალოს ეს ხალხი და გამოუშვას. მთავარი ამოცანაა, 2020 წელს მივიღოთ ისეთი არჩევნები, რომ ლეგიტიმაციასთან დაკავშირებით არანაირი კითხვა არ დასვას არავინ.
ეს არის ჩიხი, რომელიც უნდა გახსნას პრეზიდენტმა“
კომენტარები