კსკ ვაგნერის ოფიციალურ არხზე გამოქვეყნდა განცხადება, რომლის მიხედვითაც დაქირავებული რუსი სამხედროები მზარ არიან რუსეთში დასაბრუნებლად და კურსკის ოლქში საბრძოლველად, თუ შესაბამის თხოვნას მიიღებენ.
“ჩვენი ძალები მზად არიან მოვიდნენ სამშობლოს დასახმარებლად და განლაგდნენ საბრძოლო მზადყოფნაში პირველივე დაძახებაზე. ისე, როგორც ეს ყოველთვის იყო.” – წერია ვაგნერის ჯგუფის განცხადებაში.
ცნობისთვის, გასულ დღეს გავრცელდა ცნობა, რომ კურსკის ოლქში, საბრძოლო მოქმედებების ზონაში ჩავიდა ვაგნერის ერთ-ერთი ყოფილი მეთაურის, ალექსანდრ კუზნეცოვის, იგივე რატიბორის რაზმი. ის 2024 წლის აპრილში 3 000 ვაგნერელთან ერთად ჩეჩნეთის ლიდერის, რამზან კადიროვის მიერ შექმნილ სპეცრაზმ ახმატში გაწევრიანდა.
კომენტარები