ქართველი ძიუდოისტები პარიზის ზაფხულის XXXIII ოლიმპიური თამაშებიდან სამშობლოში დაბრუნდნენ.
თბილისის საერთაშორისო აეროპორტში მათ ასობით გულშემატკივარი დახვდათ.
„მიყვარხართ ყველა და ამ ყველაფრისთვის მადლობა. თქვენთვის ყოველთვის სისხლის ბოლო წვეთამდე ვიბრძოლებ. მიყვარხართ გულში”, – განაცხადა ლაშა ბექაურმა.
პარიზის ოლიმპიადაზე ქართველმა ძიუდოისტებმა სამი მედალი მოიპოვეს. კერძოდ, ინდივიდუალურ ასპარეზობაში ტატო გრიგალაშვილმა (81 კგ) და ილია სულამანიძემ (100 კგ) – ვერცხლის მედლები, ლაშა ბექაურმა (90 კგ) კი მეორედ შეძლო ოლიმპიური ოქროს მედლის დასაკუთრება.
ამასთანავე, ლაშა ბექაური გახდა პირველი ქართველი ძიუდოისტი, რომელმაც ოლიმპიური ჩემპიონობა ორჯერ იზეიმა.
კომენტარები