„ჩემი ქალაქი, ჩემი კლუბი, ჩვენი ამბავი ამით არ დასრულებულა, ოცნება რეალობად იქცევა“ – ამის შესახებ ყველასთვის საყვარელი, ეროვნული ნაკრების წევრი გიორგი მიქაუტაძე სოციალურ ქსელში წერს და ბავშვობის ფოტოს აქვეყნებს.
ფოტო გულშემატკივრების უდიდეს მოწონებას იმსახურებს, „ინსტაგრამის“ მომხმარებლები წერენ, რომ ბომბარდირი შეუდარებელია.
„მეფე ჟორჟი… გვიყვარს ბომბარდირი… სახლში დაბრუნებას გილოცავთ…“ – წერენ სოციალური ქსელის მომხმარებლები.
ცნობისთვის, საქართველოს ეროვნული საფეხბურთო ნაკრებისა და ამ დრომდე კლუბ „მეცის“ თავდამსხმელი გიორგი მიქაუტაძე ახლა უკვე ოფიციალურად, ფრანგული კლუბის, „ლიონის“ ფეხბურთელია.
გიორგი მიქაუტაძის ტრანსფერი „ლიონმა“ 18 ივლისს ოფიციალურად დაადასტურა და ოფიციალურ ვებგვერდზე გამოაქვეყნა კადრები ტექსტით: „ის აქ არის და ის იდეალურია“.
კომენტარები