მარტივი და ყველაზე საყვარელი კერძი – შემწვარი კარტოფილი, ხრაშუნა, ოქროსფრად დაბრაწული, არ უნდა ჩაიშუშოს და არც უნდა დაიწვას, ცხადია.
პირველ რიგში, ხომ იცით, რომ თეთრი კარტოფილი კარგად იხარშება, იგი საუკეთესოა პიურესთვის, სუპებისთვის და ა.შ. ცხადია, მისი შეწვაც შეიძლება, მაგრამ უფრო დიდი შანსია, ჩაგეშალოთ. შესაწვავად, სჯობს არჩევანი შეაჩეროთ ყვითელ ან წითელ კარტოფილზე,
5 შეცდომა, რომელიც არ უნდა დავუშვათ, თუ გვინდა შემწვარი კარტოფილი ხრაშუნა და დაბრაწული გამოვიდეს:
1. დაჭრა:
დაჭრა ბევრნაირად შეიძლება – ჩხირებად, კუბიკებად, ფირფიტებად – მთავარია ნაჭრები თხელი იყოს, რაც უფრო თხელია ნაჭრები, მით სწრაფად შეიწვება. ხოლო სქელ ნაჭრებს შესაწვავად დროც მეტი დასჭირდება და სახამებლის გემოც მეტად ექნება შენარჩუნებული.
2. მომზადება შესაწვავად:
ზედმეტი სახამებლის მოშორება ძალიან მნიშვნელოვანია. ასე შემწვარი კარტოფილი უფრო ხრაშუნა გამოვა. დაჭრილი კარტოფილი გარეცხეთ, დაასხით ცივი წყალი, გააჩერეთ მინიმუმ 30 წუთი, შემდეგ კი შეამშრალეთ. თუ წყალი ან სახამებელი შეყვება, კარტოფილი ჩაიშლება.
3. ტაფის მომზადება:
სანამ ზეთს (თუ სხვა ცხიმს) დავასხამთ, ტაფა უნდა გაცხელდეს. ზეთი კარტოფილს დაახლოებით ნახევრამდე უნდა ფარავდეს.
4. შეწვა:
იმისათვის, რომ კარტოფილი ხრაშუნა გამოვიდეს, ჯერ უნდა შევბრაწოთ მაღალ ცეცხლზე და ხშირად ამოვურიოთ. შემდეგ კი ცეცხლს ჩავუწევთ და ტაფას თავსახურს დავახურავთ და უკვე რაც შეიძლება იშვიათად ვურევთ.
კარტოფილის შესაწვავად ტაფის თავსახური უმჯობესია იყოს გუმბათისებური, რადგან ასე მეტი სივრცე იქმნება ორთქლის ცირკულაციისთვის, ტემპერატურა არ ვარდება და კარტოფილი თანაბრად იწვება.
5. მარილი:
თუ მარილს შეწვამდე დავაყრით, კარტოფილი „წვენს“ გაუშვებს და ხრაშუნა აღარ გამოგვივა. ამიტომ მარილის მოყრა უმჯობესია სანახევროდ შემწვარ ან უკვე შემწვარ კარტოფილზე.
კომენტარები