“გახარიას ამის პრობლემა არასდროს ჰქონია და არც ექნება”

თბილისის მერმა, პარტია „ქართული ოცნების“ გენერალურმა მდივანმა, კახა კალაძემ მედიასთან განაცხადა:

„გიორგი გახარიამ პარლამენტში მისვლაზე განმარტებები გააკეთა, მას არასდროს ჰქონია ამის პრობლემა და არც მომავალში ექნება, როცა ამის დრო იქნება, პარლამენტში აუცილებლად მივა”

კითხვაზე, რომ ოპოზიცია პრემიერის პარლამენტში ინტერპელაციის წესით იბარებს, კალაძე პასუხობს, რომ იმ შემთხვევაში, თუ საგანგებო რეჟიმი გაუქმდა, ინტერპელაციის აუცილებლობა არ არის და პრემიერი სხვა ფორმატში მივა საკანონმდებლო ორგანოში.