“ბოქსირებული პალატიდან მივწერე ეროვნულ ბანკს” – გამყრელიძის პასუხი ბრალდებაზე

საქართველოს ჯანდაცვის ჯგუფმა, რომელსაც ნიკოლოზ გამყრელიძე ხელმძღვანელობს, ეროვნული ბანკის ბრალდებებს უპასუხა.

“ნიკოლოზ გამყრელიძემ საქართველოს ეროვნულ ბანკს ჯერ კიდევ 20 მარტს მისწერა, როდესაც ბოქსირებულ განყოფილებაში კოვიდინფექციაზე მკურნალობდა.

წერილს ხელს მისი მოადგილე აწერდა, თუმცა პრობლემა დღემდე მოუგვარებელია, მათმა კომპანიამ სესხი ვერ მიიღო.

„პრობლემა დღესაც იგივეა, ურთიერთდამოკიდებულ პირად ვითვლებით ერთ-ერთ ბანკთან.

დაგვპირდნენ ბანკებს რეგულატორულ მოვლენებს გადაუვადებდნენ ერთი წლით, რომელიც ტექნიკურად ხელმისაწვდომობას გახსნიდა, გაიხსნა, მაგრამ იქედან გამომდინარე რომ, ერთი წლით გადავადება მოხდა, ბანკები გვეუბნებიან, მე ახლა რომ დაგაკრედიტო, ერთ წელიწადში ისევ ამ რეგულაციებში მოვყვები და ამას აზრი არ აქვს.

მარტივად ვიტყვი, თავიდან მოგვიშორეს. ეროვნული ბანკი მეუბნება, რომ მე ვარ მესამე პირი, ვეკითხები როგორ ვარ მესამე პირი, ამაზე პასუხი არ აქვთ.

იქედან გამომდინარე რომ პატარა ქვეყანა ვართ, შეგვიძლია გამარჯვებული გამოვიდეთ ეპიდემიასთან ბრძოლაში.

ინსტიტუტი რომელსაც მთავრობაზე დიდი ბერკეტები აქვს, სამწუხაროდ დახურული და დისკრეციულია გადაწყვეტილებებში.

სამი წერილით ვითხოვდით აგვიხსენით კანონიერი საფუძველი და მათი მხრიდან პასუხი იყო თქვენ ხართ მესამე პირი.”

GHG-ის დირექტორის გუშინდელ ინტერვიუს, უპასუხა საქართველოს ეროვნულმა ბანკმა:

საქართველოს კაპიტალის ჯგუფი, რომელიც საქართველოს ჯანდაცვის ჯგუფის გარდა, ფლობს საქართველოს ბანკის, სადაზღვევო კომპანია “ალდაგის”, m² – ისა და მრავალი სხვა კომპანიის წილებს ბევრ სექტორში, ცდილობს გამოიყენოს #COVID19 – ის ფაქტორი და, მოქმედი რეგულაციების დარღვევის გზით, საქართველოს საბანკო სისტემიდან დასაშვებზე მეტი დაფინანსება მიიღოს.