პარლამენტი ე.წ. ლგბტ პროპაგანდის წინააღმდეგ მომზადებულ საკანონმდებლო პაკეტს კენჭს დღეს პირველი მოსმენით უყრის. მმართველ გუნდში განაცხადეს, რომ ოპოზიციას აძლევენ ერთ დღეს, რათა დააფიქსირონ საკუთარი პოზიცია აღნიშნულ საკითხთან დაკავშირებით.
საპარლამენტო უმრავლესობის ლიდერმა, მამუკა მდინარაძემ პლენარულ სხდომაზე პარლამენტს შესთავაზა, გუშინ კენჭი ეყარათ მხოლოდ იმ საკითხებისთვის, რომლებსაც დაჩქარებული წესით განიხილავენ, რასაც პარლამენტის თავმჯდომარე დაეთანხმა.
ამ მოწვევის პარლამენტში საკონსტიტუციო ცვლილებების მიღება ვერ მოხერხდება, ლგბტ პროპაგანდას სახელისუფლებო პარტია 18 კანონისგან შემდგარი ცვლილებათა პაკეტით აზღვევს. იკრძალება ერთნაირსქესიანთა წყვილის ქორწინება, სქესის შეცვლის ოპერაცია, შვილად აყვანის საკითხები და ერთნაირსქესიანთა წყვილის ინტიმური სცენების მაუწყებლების ეთერში გაშვება.
კომენტარები