IDFI-ის თანადამფუძნებელი და აღმასრულებელი დირექტორი, გიორგი კლდიაშვილი, სოციალურ ქსელში, წერს:
“ვინც არის კოვიდ-19 დაკავშირებული პროტოკოლის მცოდნე, მაინტერესებს ესეთი რამ:
გუშინ წინ ჩემი შვილი მივიყვანეთ კლინიკა mediclub-ში, ალერგიის შეტევის გამო. რადგან ბავშს წინა კვირას ჰქონდა სიცხე, მას კლინიკაში მოთავსებამდე გაუკეთეს სწრაფი ტესტი კოვიდ-19-ზე. სწრაფი ტესტის პასუხი იყო, რომ ბავშვს აქვს კოვიდ 19. ამის შემდგომ, ჩემი მეუღლე და ჩემი ბავშვი მოათავსეს ბოქსირებულ პალატაში. მეორე დღეს, გადამოწმების მიზნით, ბავშვს გაუკეთდა PCR ტესტი. PCR ტესტის პასუხი უნდა ყოფილიყო გუშინ საღამოს. აღმოჩნა, რომ მეორე დღემდე PCR ტესტის პასუხი არ იქნებოდა. კლინიკა მედიქლაბის პერსონალმა ჩემს მეუღლეს გამოუცხადა, რომ მისიკ გაჩერება მეორე დღემდე ბოქსირებულ პალატაში არ შეიძლებოდა და შესთავაზეს არჩევანი, ან უნდა გადასულიყო
ცხელების ცენტრში ან წასულიყო სახლში. ჩემმა მეუღლემ არჩია სახლში წამოსვლა ბავშვთან ერთად. შესაბამისად, როდესაც კლინიკამ ჩემი მეუღლე და ბავშვი გამოუშვა კლინიკიდან, ბავშვის დიაგნოზი, რომელიც სწრაფმა ტესტმა აჩვენა იყო, რომ მას ჰქონდა კოვიდ-19-ის დიაგნოზი. გარეთ 1.5 საათის ლოდინის შემდგომ (თან კლინიკაში მას არ უშვებდნენ) ჩემს მეუღლეს მოაწერინეს ხელი, რომ მას არ უნდოდა წასვლა ცხელების ცენტრში (ჩემმა მეუღლემ განუმარტა, რომ ის არ ამბობდა უარს მკურნალობის გაგრძელებაზე, მაგრამ მას უთხრეს, რომ მას კლინიკაში არ დატოვებდნენ და უნდა აერჩია სახლში წასვლა, ან ცხელების ცენტრში გადაყვანა) და ბავშვთან ერთად ის გამოუშვეს სახლში. ანუ, კოვიდ-19 დიაგნოზით (რომელიც ჯერ არ იყო უარყოფილი PCR ტესტით) კლინიკა mediclub-მა ჩემი ბავშვი და ჩემი მეუღლე გამოუშვა სახლში. მაინტერესებს, რამდენად მოიქცა სწორად კოვიდ-19 დადგენილი პროტოკოლის მიხედვით კლინიკა?
ასევე, ღამით, გვაცნობეს, რომ საბედნიეროდ, ლაბორატორიული შემოწმებით PCR ტესტმა, ბავშვზე კოვიდ-19 არ დაადასტურა. ასევე, ცალკე კიდევ გადაგვრია კლინიკა მედიქლაბის პედიატრმა, რომელიც გვიმტკიცებს, რომ კოვიდ-19ზე PCR ტესტის უარყოფითი პასუხის მიუხედავად, ბავშვს აქვს კოვიდ-19, რადგან სწრაფმა ტესტმა ეს აჩვენა.”
კომენტარები