ქარტია ნაციონალური კლასტერია – ნაციონალური მოძრაობის ყოფილი მაღალჩინოსანი

ნაციონალური მოძრაობის ყოფილი მაღალჩინოსანი და ამჟამად “ქართული ოცნების” ერთ-ერთი ლიდერი გია ვოლსკი:

პრაქტიკულად, ქარტიის ხელმოწერა ნიშნავდა, რომ ეს არის ერთი კლასტერის, პოლიტიკური ჯგუფების გაერთიანება. იქნებიან ისინი ერთიან სიაში თუ სხვადასხვა პოლიტიკური სუბიექტების სახით მიიღებენ მონაწილეობას არჩევნებში, ესრ ცვლის იმ რეალობას, რასაც ჰქვია ენმ-ს არსებობა. არსებობს ერთიანი ნაციონალური მოძრობა, არსებობს კოლექტიური ნაციონალური მოძრაობა და არსებობს ის ჯგუფი, რომელიც შეიძლება სწორედაც იყოს მოხსენიებული რადიკალური გაერთიანება.

ერთიან სიასთან დაკავშირებით პოლიტიკური პარტიების ლიდერებს განსხვავებული შეხედულებები აქვთ – ნაწილი ემხრობა, ნაწილი კი – წინააღმდეგია.

1991-2004 წლებში გია ვოლსკი მუშაობდა საქართველოს მთავრობის წარმომადგენლის მოადგილედ რუსეთის ფედერაციაში, საქართველოს რესპუბლიკის მინისტრთა კაბინეტის საერთაშორისო ურთიერთობების განყოფილების გამგის მოადგილედ, აგრეთვე საგარეო საქმეთა სამინისტროს გაერო-ს სამმართველოს უფროსად, საქართველოს ეროვნული უშიშროების საბჭოს მდივნის თანაშემწედ საგანგებო საკითხებში.

2004-2006 წლებში გია ვოლსკი იყო კონფლიქტების მოგვარების საკითხებში საქართველოს სახელმწიფო მინისტრის მოადგილე, აგრეთვე საქართველოს საგარეო საქმეთა სამინისტროს საგანგებო დავალებათა ელჩი. 2007-2011 წლებში იყო საერთაშორისო არასამთავრობო ორგანიზაციებისა და საქართველოში გაერო-ს განვითარების ფონდის პროექტების მონაწილე.