პარტია “ახალის” თანათავმჯდომარე, ნიკა გვარამია რომელიც აშშ-ის სახელმწიფო მდივნის თანაშემწესთან, ჯიმ ო ‘ბრაიენთან იმყოფებოდა შეხვედრაზე, ამბობს, რომ სწორედ ამ შეხვედრაზე უცნობი ნომრიდან მის ტელეფონზე ის ცნობილი მუქარის ზარის განხორციელდა, რომელიც იქ მყოფებს მოასმენინა.
“უცნაური ამბავი მოხდა, შიგნით რომ ვიყავი დამირეკა ტელეფონმა, იმ ცნობილმა ზარმა, ეტყობა ეგონათ არ ავიღებდი, ჩავრთე ხმამაღალ მოსმენაზე და ყველამ მოისმინა რაც ხდებოდა, თარგმანი ცოტა უცნაური იქნებოდა, მაგრამ ძალიან კარგად მიხვდა ყველა, ტელეფონის ნომერიც მაქვს თუ ვინმეს აინტერესებს, ეს არის ქართული ოცნების სიმბოლო, ის რომ მიიღეს, ის რომ შეგნებულად აქ რობოკოპები დააყენეს, ფანჯრიდან ჩანდა, ის რომ ზარი შემოვიდა ამ რანგის შეხვედრაზე, ეს არის სიმბოლო ქართული ოცნების და ეს არის ღია განაცხადი, რომ დასავლეთის მიმართ მათ აქვთ ასეთი დამოკიდებულება, ვნახავთ როგორი სიმეტრიული დამოკიდებულება იქნება დასავლეთისგან”.
კომენტარები