ფილოლოგი, „შეაჩერე კორუფციის“ თანადამფუძნებელი, ქეთევან ენუქიძე სოციალურ ქსელში წერს:
„გუშინ ერთ ჩიხში მიწაზე იწვა ბიჭი.
სუნთქვა უჭირდა.
ზურგში ჰქონდა მორტყმული დუბინკა, ან რა ვიცი, რა…
თავს ეხვია რამდენიმე ახალგაზრდა.
დედაშენს დაურეკეო?-გოგონამ ჰკითხა.
დედა ორი წელია არ მინახავს, საბერძნეთშიაო…
ლამის ყოველი მესამე ბავშვი ასეთია..და, ამის მიუხედავად, გაბოროტებულ მიზანთროპებად კი არა, ქვეყნის მოყვარე მამულიშვილებად გაიზარდნენ ეს ბავშვები…
ის ილია იამაყებდა ამ ბავშვებით, რომლებისგანაც საკუთარ წუწში ამოხუთული ნაძირლები იცავენ – თითქოს მათნაირებმა არ დაახალეს შუბლში ტყვია!
და თითქოს ყოველ ამოსუნთქვაზე ხელახლა არ ხოცავენ იმ ნათელ ადამიანებს, რომლებიც პირველად რუსებმა დახოცეს…“
კომენტარები