“მალე ბიძინას სურათს ჩამოხსნიან და ჯორჯ სოროსისას დაჰკიდებენ”

ჟურნალისტი, ლევან ჯავახიშვილი, სოციალურ ქსელში, წერს:

“მამუკა მდინარაძე მამლის ყივილსაც არ დაელოდა, ისე უარყო კოკა ყანდიაშვილი. მალე მდინარაძეს სხვებიც მიეწყობიან და გასწირავენ, ხელებს შეაწმენდენ. ბოლოს იმასაც იტყვიან, ყანდიაშვილი „ნაცი“ იყო, „ნაცებმა“ შემოგვიგდეს, რომ „ნაცების“ დისკრედიტაციისთვის და ჩასაძირად ტროლები, ბოტები და ფეიკ–გვერდები შეექმნაო.
ესენი,მამუკა მდინარაძე, აჩიკო თალაკვაძე, ირაკლი კობახიძე და მაგათი „სასტავი“, ხელისუფლებას მთლიანად რომ ჩაიგდებენ ხელში, გიორგი გახარიაზეც იტყვიან, მაგ კაცს „ქართულ ოცნება“ შეხება საერთოდ არ ჰქონია, რის მინისტრი, რა პრემიერ–მინისტრი, გეჩვენებოდათო. ეგრე გარიყავენ ყველას და ბოლოს, „ქართული ოცნება“ ლიბერალთა ერთ დიდ ერთობად გადაიქცევა.
ბიძინა ივანიშვილიც არ გააგდონ საკუთარი პარტიიდან, მაგას ვდარდობ…
ბევრზე ვთქვი „ქართული ოცნებიდან“, მოვა დრო და ჩემი დასაცავები გახდებით–მეთქი. ბევრს უკვე აუხდა ჩემი ნათქვამი და ახლა კოკა ყანდიაშვილისა და მისი ცოლის, ნონა ყანდიაშვილის ჯერი დადგა. ჯერ სადა ხართ. ბიძინას სურათს რომ ჩამოხსნიან პარტიის მთავარი ოფისიდან და ჯორჯ სოროსისას დაჰკიდებენ, დანარჩენს მერე გეტყვით.
მაგეთკენ მიდის საქმე, მაგეთკენ.”