“გამონასკვული ბოღმა” – როგორ ეხმაურება ნიკა მელია მამუკა მდინარაძეს

ენმ-ის წევრი, ნიკა მელია, მამუკა მდინარაძის სააკაშვილის მისამართით გაკეთებულ განცხადებას ეხმაურება და წერს:

“ვნახე როგორც გამოეხმაურა უმრავლესობის ლიდერი მდინარაძე მიხეილ სააკაშვილის უკრაინის რეფორმების ეროვნული საბჭოს მდივნად დანიშვნის შესახებ გავრცელებულ ინფორმაციას.

ადამიანების ასე გამონასკვული ბოღმა მართლაც უსიამოვნო სანახავ-სასმენია.

მე ვფიქრობ ბატონი მამუკა პარიზის მიწისქვეშა საცავში, სამმაგი მინის ჩაფხუტის ქვეშ, ვაკუუმშია შესანახი, როგორც ეტალონი იმისა, როგორი არ უნდა იყოს პოლიტიკოსი.”

შეგახსენებთ, მამუკა მდინარაძემ, სააკაშვილზე საუბრისას თქვა: “მდივნობისას შეიძლება ყავის მოდუღებაც აღარ გამოუვიდეს კარგად”