“ეს თბილისის შურისძიება იყო – ასაფეთქებელი მაშინ ამოქმედდა, როცა ბოევიკებმა შარვლები ჩაიხადეს” – ლაშა ბერულავა

ადრეც დამიწერია, ახლა დეტალებს ვაზუსტებ და ტელეგრამზე დავდე კადრები (რადგან ფბ დაბლოკავს და ცუკერას თავი არ მაქვს), სადაც ჩანს, რომ 2008 წლის ოქტომბერში ნამდვილად დააკავეს გიორგი ანწუხელიძის წამების მონაწილე სამი ოსი ბოევიკი, მანამდე კი ოთხი ბოევიკი ისე გაასუხარეს, როგორც ქვემოთაა აღწერილი.

გიორგი ანწუხელიძის წამების მონაწილე კიდევ ერთი რუსი ოფიცერი შარშან მოკლეს უკრაინაში.

მოკლედ, ამბავი:

2008 წლის ოქტომბერში, გიორგი ანწუხელიძის სასტიკი წამებით გულდამძიმებულმა მისმა მეგობრებმა სამხედროებსა და სპეცებში, კარგა ხანს უკირკიტეს გმირის წამების ამსახველ ვიდეოს და რამდენიმე ოსი ბოევიკის იდენტიფიცირება მოახდინეს.

სპეცსამსახურებმა მათი ადგილსამყოფელი ცხინვალის რეგიონში ზუსტად დაადგინეს და სპეცოპერაციები დაგეგმეს.

ვინმე იმ დროს რომ დაინტერესებულიყო, ცხინვალის სამ სოფელში, თითქმის ერთდროულად, ოთხი “ბოევიკის” გარდაცვალების იდენტური გარემოება, მინიმუმ, გააკვირვებდა:

ა) ოთხივე საკუთარ ეზოში მოკვდა.

ბ) ოთხივე ჩეჩმაში, დილის საათებში აფეთქდა.

გ) ოთხივე შემთხვევაში თვითნაკეთი ასაფეთქებელი მოწყობილობა მაშინ ამოქმედდა, როცა ბოევიკებმა შარვლები ჩაიხადეს და მოსაქმება დაიწყეს.

დ) არცერთს არ ჰქონდა გადარჩენის შანსი.

ე) მათი, სრულიად დამამცირებელ, სამარცხვინო პოზაში მყოფი ცხედრები ოჯახის წევრებმა იპოვეს, აფეთქების ხმაზე დაფეთებულებმა.

ვ) როცა პირველი აფეთქებულის ოჯახმა და აფეთქების ადგილზე მისულმა ე.წ.-მა ძალოვნებმა კიდევ სამი აფეთქების შესახებ შეიტყვეს, ყველა მიხვდა, რომ ეს თბილისის შურისძიება იყო…

ამის შემდეგ 2008 წლის ომის მონაწილე ოსი ბოევიკები ჩეჩმაში კარგა ხანს ვერ ისაქმებდნენ და ხშირად სახლის წინ ან გვერდით იცუცქებოდნენ ხოლმე, თან თვალებს აქეთ-იქეთ აცეცებდნენ…

გავიდა ცოტა ხანი და კიდევ სამი ბოევიკი მათივე სახლიდან ახლოს მდებარე ქუჩიდან გაქრა – ორის მანქანა იპოვეს, სხვა კვალი – ვერაფერი.

ვინ აიყვანეს:

ალან იურის ძე ხაჩიროვი, 1992 წ.დაბ.

ალან დავითის ძე ხუგაევი, 1989წ.დაბ.

სულთან როსტიკოს ძე პლიევი,1983 წ. დაბ.

კი გახსოვთ ყველას, განიარაღებულ და მაინც როგორ ამაყ ანწუხელიძესთან რა დიდ გულზეც იყვნენ, ამ კადრებში კი ნახეთ, რა დარჩა მათი “დიდი გულისგან”…