• რეკლამა
  • კონტაქტი
02:08, ორშაბათი, 23 ნოემბერი, 2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

პნევმონიით გარდაცვლილი ორსულის ისტორია – “სავარაუდოდ ვირუსული ინფექცია იყო”

ალია ავტორი - ალია
20:33 05-05-2020
- ახალი ამბები, მთავარი
A A
0
Facebook-ზე გაზიარება
40

ეკატერინა ნათენაძის სიცოცხლე თებერვლის დასაწყისში, 32 წლის ასაკში შეწყდა. ის ორი შვილის დედა იყო და მესამეს ელოდებოდა. ხუთი თვის ორსული ავად გახდა, რამდენიმე დღეში კი მდგომარეობა ისე დამძიმდა, ექიმებმა მისი გადარჩენა ვეღარ შეძლეს. გარდაცვალების მიზეზად გრიპი სახელდება.

ეკატერინა ახალციხიდან ონის რაიონის სოფელ პიპილეთში იყო გათხოვილი. მისი მული, ნათია გოგლიძე, გვიყვება, რომ ახალგაზრდა ქალი თავისი ფეხით მივიდა ამბროლაურის საავადმყოფოში. ამის შემდეგ კი მოვლენები ძალიან დრამატულად განვითარდა.

– ქალბატონო ნათია, როდის გართულდა თქვენი რძლის მდგომარეობა?

– ჯერ ბავშვებს ჰქონდათ ვირუსი და შემდეგ ეკატერინას გადაედო. დაბალი სიცხე ჰქონდა – 37 გრადუსი. მესამე დღეს მაღალი სიცხე მისცა, 39 გრადუსი და ჩემი უბნის ექიმს დავუკავშირდი, შემდეგ – სასწრაფოს. მანამდე, როცა სიცხე ჰქონდა, თავის მეან-გინეკოლოგს ეკონტაქტებოდა, რომელთანაც აღრიცხვაზე იყო აყვანილი. ექიმი რასაც ეუბნებოდა, იმას აკეთებდა.

მესამე დღეს, როცა მდგომარეობა დამძიმდა და ტემპერატურამაც მოიმატა, სასწრაფო გამოვიძახეთ. ჩვენთან, ონის რაიონში, სამშობიარო სახლი არ არის. სასწრაფომ თქვა, ამბროლაურში უნდა გადავიყვანოთო. ამის პარალელურად დავუკავშირდით მის მეან-გინეკოლოგს, რომელმაც გვითხრა, ეგ ინფექცია ყელიდან არისო. სასწრაფოს ექიმებს უთხრა, არ გადმოიყვანოთ ამბროლაურში, ასე რთულად არ არის საქმეო.

სასწრაფო წავიდა. დაგვიბარეს, რაიმე გართულება თუ იქნა, ან გამოგვიძახეთ, ან თქვენ გადაიყვანეთო.

– ამის შემდეგ როგორ განვითარდა პროცესები?

– საღამოს კიდევ უფრო გართულდა მდგომარეობა. საშინლად ახველებდა. დაწოლილი ვერ ძლებდა. ოჯახში მეც მქონდა სიცხე და დედაჩემსაც. ეკატერინას დილით უკვე ჰაერის უკმარისობა დაეწყო. ბიძაშვილს დავურეკე და მანქანით მოვიდა. ჩემი რძალი საკუთარი ფეხით ჩაჯდა მანქანაში და პირდაპირ ამბროლაურში წავიყვანეთ.

ჩვენგან ამბროლაურამდე 30 კმ-ია. რძალმა თქვა, ჩემს ექიმთან მივიდეთო. როცა მას დავუკავშირდით, გვითხრა, დღეს სასწრაფოში ვმუშაობ, მორიგე ვარ, მაგრამ ჩამოიყვანეთ, მორიგე ექიმს გამოიძახებენ და ამასობაში მეც მოვალო.

ეკატერინა გასინჯეს, ექოსკოპია და რენტგენი არ გადაუღეს, რადგან მდგომარეობა უმძიმესი იყო. კატასტროფის ბრიგადამ ჟანგბადი დაუდგა, წნევას აკონტროლებდნენ და ქუთაისში გადავიყვანეთ.

– ქუთაისში რა თქვეს ექიმებმა?

– ქუთაისში შევიყვანეთ საღამოს 7 საათისთვის და გამთენიისას უკვე გარდაიცვალა. ნაყოფის მოშორება უნდოდათ. ოპერაცია რომ დაიწყეს, მდგომარეობა დამძიმდა და ამ დროს გარდაიცვალა.

– იცოდით მუცლადმყოფი ბავშვის სქესი?

– 31 იანვარს ჰქონდა ბოლო ვიზიტი გინეკოლოგთან. ექიმმა უთხრა, წყლები ამღვრეულია, სქესს ვერ ვხედავ, მაგრამ, სავარაუდოდ, ბიჭიაო… ეკატერინას ორი შვილი დარჩა – 7 წლის გოგო და 4 წლის ბიჭი. გოგომ უკვე დაიწყო ამ ყველაფრის გაცნობიერება, ბიჭს კი ჰგონია, რომ დედა სადღაც არის წასული და მალე დაბრუნდება.

ჩემი რძალი კარგი გოგო იყო. 8 წელია, რაც ჩვენი ოჯახის წევრია და ძალიან დიდ პატივს ვცემდი. ახალციხიდან იყო.

…

ქუთაისის ინტერვენციული მედიცინის ცენტრის კლინიკური დირექტორის, თამარ ჯანელიძის, თქმით, კლინიკაში შესვლისას პაციენტის მდგომარეობა უკიდურესად მძიმე იყო. მას ყველა სახის სამედიცინო დახმარება გაეწია, მაგრამ ახალგაზრდა ქალის გადარჩენა ვერ შეძლეს.

– 8 თებერვალს კატასტროფის სამსახურმა შემოიყვანა 32 წლის ქალი, რომელიც იყო 20 კვირის ორსული, მძიმე მდგომარეობაში, აღენიშნებოდა სუნთქვის უკმარისობა, ორმხრივი პნევმონია. მაშინვე მართვით სუნთქვაზე გადავიყვანეთ, შესაბამისი გამოკვლევები ჩაუტარდა. რამდენიმე საათში პაციენტი გარდაიცვალა. ყველა ანალიზი გადაგზავნილია შემოწმებაზე. სავარაუდოდ, ვირუსული ინფექციაა, მაგრამ პასუხს ველოდებით, – განაცხადა თამარ ჯანელიძემ.

ჟურნალი “სარკე”

კომენტარები

რედაქტორის რჩევით

“ალოო, კალაძე, იძირება თბილისი” – დატბორილი.ქუჩები და ხალხი მერს
ახალი ამბები

“ალოო, კალაძე, იძირება თბილისი” – დატბორილი.ქუჩები და ხალხი მერს

23:24 08-14-2026
“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან
ახალი ამბები

“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან

15:55 08-14-2026
“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი
ახალი ამბები

“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი

23:28 08-13-2026
„ივანიშვილს მოსკოვიდან გამოატანეს 2 მილიარდი დოლარი საქართველოში რუსული საქმეების გასაკეთებლად“ – გიორგი გუგავა
ახალი ამბები

„ივანიშვილი პირდაპირ ეუბნება ამერიკელებს, რომ სახელმწიფო მე ვარ და მე უნდა დამელაპარაკოთო…“ – კოტე კემულარია

17:04 07-18-2026

ბიზნესი

სილქნეტის მომხმარებელი მრავალფეროვან პაკეტებს სპეციალურ პირობით ჩაირთავს
ახალი ამბები

სილქნეტის მომხმარებელი მრავალფეროვან პაკეტებს სპეციალურ პირობით ჩაირთავს

11:32 11-20-2026
„ვილაპარაკოთ, რომ გავუგოთ და არა მოვუგოთ“ – სელფი მობაილის  ახალი კამპანია   
ახალი ამბები

„ვილაპარაკოთ, რომ გავუგოთ და არა მოვუგოთ“ – სელფი მობაილის ახალი კამპანია   

17:09 11-19-2026
თიბისი კაპიტალმა მაკროეკონომიკური განახლება გამოაქვეყნა
ახალი ამბები

თიბისი კაპიტალმა მაკროეკონომიკური განახლება გამოაქვეყნა

15:33 11-19-2026
თიბისის მონაცემთა დამუშავების ცენტრი – უნიკალური შესაძლებლობების მქონე ახალი ინფრასტრუქტურა საქართველოში
ახალი ამბები

თიბისის მონაცემთა დამუშავების ცენტრი – უნიკალური შესაძლებლობების მქონე ახალი ინფრასტრუქტურა საქართველოში

13:55 11-19-2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2026 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2026 Alia.ge - All rights reserved