ჟურნალისტის და მსახიობის, საქართველოს დამსახურებული არტისტის, ქუთაისის ანსამბლ „ფაზისის“ ყოფილი სამხატვრო ხელმძღვანელის, ქუთაისის ფილარმონიის ყოფილი გენერალური დირექტორის ბესიკ იობაშვილის მეუღლე, ჟურნალისტი, პოეტი, მსახიობი, მაია კახიძე, სოციალურ ქსელში, წერს:
რაღა მაქვს დასამალი?ვეცდები, ჩემი ტკივილით აწი ხშირად არ შეგაწუხოთ, მაგრამ რასაც ახლა ვიტყვი, სათქმელია და უნდა ვთქვა!!!მრავალი წელი საჯაროობაზე უარს მეუბნებოდა ბესო. არც პენსია დაუნიშნეს და არც არანაირი დახმარება არ მიუღია მთავრობისგან, როგორც ჩერნობილის მონაწილეს.მაშინ ხომ ექიმები და ექთნებიც გაუყენეს უკრაინის გზას და იმ დიდი ჯგუფიდან დღეს აღარავინაა ცოცხალი.ჰოდა, ანსამბლი „ფაზისიც“ გაამწესეს ატომური სადგურიდან იქვე, 30 კილომეტრში, სახელდახელოდ შეფიცრულ სცენაზე, აფეთქებიდან მალევე ანუ ყველას თვალის ასახვევად. ჰოდა, „ფაზისელებიდან“ თუ არ ვცდები, ბესო მეხუთეა… არადა, არ ვიცოდით, გვიან სიმპტომებს კი სხვაც დაემატა და.. კიდევ კარგად გაუძლო ჩემმა მეუღლემ…ე.წ. „თვალის ასახვევ“ საშეფო-საქველმოქმედო კონცერტებს ჩერნობილში რამდენიმე ნიჭიერი ქართველი მუსიკოსის და მომღერლის სიცოცხლეც შეეწირა…ყველაფერი გავაკეთეთ მეც და ექიმებმაც, მაგრამ სამწუხაროდ, ჩემმა ბესომ მაინც დამტოვა..უფალმა ხომ იცის, რაც ჩვენ ორივემ გადავიტანეთ????დღეს მეცხრე დღეა!წავალ ახლა ტაძარში, მერე საფლავზე და ვიწყებ მოპირკეთების საქმეებს… ახლა ქალიც მე ვარ და კაციც!!!ძალიან კოპწია ადამიანი იყო ჩემი ბესიკია და ვეცდები ღირსეულად მყავდეს იმიერშიც…
პ.ს. ჩერნობილი ჩემი ბესოს მძიმე სენისგან შეჭმულ სხეულში და კიდევ, მის შრომის წიგნაკში დარჩა „სამუდამოდ“, ამიტომაც გაჩვენეთ…
კომენტარები