“ექსტრადიცია იქნებოდა ყველაზე სწორი გზა – შეწყალების ერთი აქტი ვერ მოხსნის ყველა პრობლემას” – ბესელია

ეკა ბესელია „დღის ამბებთან” სააკაშვილზე, მის სავარაუდო შეწყალებაზე და ქართული ოცნების გეგმებზე საუბრისას, ამბობს:

მე არ ვიცი ფინალი, ეს არის, ერთი მხრივ, პრეზიდენტის ნაწილი და ექსკლუზიური უფლებამოსილება, რომელიც ვერ შეცვლის მთლიანად სასამართლოს გადაწყვეტილებას – ერთი შეწყალების აქტი ვერ მოხსნის ყველა იმ  პრობლემას, რომელიც სააკაშვილთან დაკავშირებით არსებობს. მთავარი თემა აქ არის სასამართლო, რომლის ხელშია ეს გადაწყვეტილება და სამწუხაროდ, აქ რომ მიუკერძოებლობის ტესტს ვერ აბარებს სასამართლო ამიტომაც არის ამდენი ხინჯი და უკმაყოფილება.
რაც შეეხება მმართველ პარტიას, უდავოა ერთი რა, მიუხედავად იმისა, რომ კანონით უცხო ქვეყნის მოქალაქე პოლიტიკურ კამპანიას ვერ ეწევა საქართველოში, რა თქმა უნდა, მმართველ პარტიას აწყობს, რომ მას ეს მუდმივად სალაპარაკო თემა ჰქონდეს – სააკაშვილი – ივანიშვილი, აბა, რომელი სჯობს. ექსტრადიცია იქნებოდა ყველაზე სწორი გზა, როგორც ვიცი, იყო ეს მოთხოვნა (უკრაინიდან), მნიშვნელოვანი გზაა, მათი მოქალაქეა და თვითონ გადაწყვეტენ მის ბედს,“