“ამ შემთხვევაში, არის რისკი იმისა, რომ “ლელოც” დაიშალოს” – გამზარდია

ჟურნალისტი, არჩილ გამზარდია:

“ლელოს” წინასაარჩევნო სტრატეგია მაგონებს 2016 წლის “თავისუფალი დემოკრატების” სტრატეგია. ანალოგიური ტიპის ხისტი პოლიტიკური რიტორიკა (მაშინაც, ახლაც “ნაციონალურ მოძრაობაზე” ბევრად ხისტი რიტორიკა), სოციალისტური მიდგომები – მინიმალური პენსიების და ხელფასების თემა და ა.შ.

2016 წელს ანალოგიური სტრატეგია მომგებიანი არ აღმოჩნდა, 2024, მგონია, რომ კიდევ უფრო ნაკლები პერსპექტივის იქნება.

2016 წლის არჩევნების შემდეგ “თავისუფალი დემოკრატები”, მიუხედავად საინტერესო სახეებისა და გარკვეული (დარჩენილი) პერსპექტივისა, პრაქტიკულად დაიშალა, 2024 წლის არჩევნებში “ლელოს” წარუმატებლობის შემთხვევაში, არის რისკი იმისა, რომ “ლელოც” დაიშალოს, რაც მთლიანობაში, ოპოზიციურ ფლანგს კიდევ უფრო დაასუსტებს და პოლიტიკური მრავალფეროვნებისთვის სამწუხარო იქნება.

ზოგადადაც, 2024 წელს, თუ “ქართული ოცნება” მართლაც საკონსტიტუციო უმრავლესობით ან მიახლოებული მოცულობით მოვა ხელისუფლებაში, არსებული ოპოზიციური პარტიების უმრავლესობა, შესაძლოა დაიშალოს, რაც არსებულ ავტორიტარიზმს მკვეთრად გააძლიერებს და გაამძაფრებს ანტიდემოკრატიულ ანუ დიქტატორულ ძალაუფლებას.