ჯგუფური ძალადობის და თვითმკვლელობამდე მიყვანის საქმეზე დაკავებულ ჯარისკაცებს აღკვეთ ღონისძიებად პატიმრობა შეეფარდათ. მიხეილ დოიჯაშვილი, რამაზ გოგიძე , ზურაბ ვაშაგაშვილი – სამი ყოფილი სამხედრო დანაშაულს არ აღიარებს.
გამოძიება ამბობს, რომ თვითმკვლელობამდე კაპრალი ირაკლი აფრიამაშვილი მისმა კოლეგებმა სასტიკად სცემს და სამხედრო ნაწილში, არაფორმალური ანგარიშსწორებით დაემუქრნენ.
გამოძიების მტკიცებით, ნაცემი დაზარალებული შემთხვევის ადგილიდან გაიქცა და მოგვიანებით იგი ჩამომხრჩვალი იპოვეს.
დაკავებული სამხედროების ადვოკატიო, ნოდარ ციცნცაძე, მედიასთან ამბობს, რომ ძალადობის ფაქტი არ დასტურდება, რადგან მისთვის ხელის გარტყმა არ არის ძალადობა.
“არცერთი მტკიცებულება არ არსებობს, რომელიც დაადასტურებდა თვითმკვლელობამდე მიყვანის ფაქტს, ან და ძალადობას. რაც შეეხება ხელის გარტყმის გამო თვითმკვლელობის ჩადენას, ასე ნახევარი საქართველო, ვისაც ერთხელ ხელი მოხვედრია, თავს უნდა იკლავდეს. გარდაცვალებამდე აფრიამაშვილმა ამ ქალბატონს მიწერა მოკლეტექსტური შეტყობინება, რომ ეს ამბავი რომ გახმაურებულიყო, ის აუცილებლად თავს მოიკლავდა, მისი თავმოყვარეობიდან გამომდინარე, საკითხი გახმაურდა და მან თავი მოიკლა”, – ამბობს ადვოკატი, ნოდარ ცინცაძე.
ჯარისკაცის დედა დარწმუნებულია რომ მისი შვილი ცემით მოკლეს, კვალის დაფარვის მიზნით კი პირველი ქვეითი ბრიგადის სამხედროებმა თვითმკვლელობის ინსცენირება მოაწყვეს.
ცნობისთვის, კანონის მიხედვით, ხელის გარტმა ძალადობაა და რაც შეეხება სუიციდის მიზეზებს, ამაზე მხოლოდ და მხოლოდ სპეციალისტებმა შეიძლება ისაუბრობ, როგორც მისი თავიდან არიდების გზებზე.
კომენტარები